बापाच्या डोळ्यापुढे मुलाला कारने चिरडले:वडील मोबाईलमध्ये होते गुंग, मागून धावत आलेला मुलगा थेट कारखाली आला; पाहा VIDEO

2 hours ago 2

मोबाईलमध्ये गुंग असणाऱ्या एका व्यक्तीच्या 5 वर्षीय मुलाला कारने चिरडल्याची भयंकर घटना नाशिकच्या पाथर्डी फाटा परिसरातील एका पंचतारांकित हॉटेलच्या पार्किंगमध्ये घडली आहे. या घटनेचा एक व्हिडिओ सोशल मीडियावर व्हायरल झाला असून, त्यात मयत मुलगा वडिलांच्या पाठीमागून धावत येत थेट कारच्या चाकाखाली जाताना दिसत आहे. 'नजर हटी दुर्घटना घटी' अशी एक जुनी म्हण आहे. या म्हणीचा प्रत्यय आणून देणारी एक घटना नाशिकच्या पाथर्डी परिसरात घडली आहे. वडील मोबाईल हाताळण्यात व्यस्त असताना त्यांचा 5 वर्षीय मुलगा त्यांच्या डोळ्यापुढेच कारखाली चिरडल्याची घटना घडली आहे. यासंबंधीच्या माहितीनुसार, नाशिकच्या पाथर्डी फाटा परिसरातील एक्सप्रेस इन या पंचतारांकित हॉटेलच्या पार्किंगमध्ये घडली. ध्रुव अजित राजपूत असे मृत मुलाचे नाव आहे. मुलगा मागून धावत आला आणि थेट कारखाली गेला ध्रुव आपली बहीण हर्षदा व वडील अजित राजपूत यांच्यासोबत या हॉटेलच्या गार्डनमध्ये खेळण्यासाठी आला होता. गार्डनमध्ये खेळल्यानंतर ते घरी निघाले होते. अनिल राजपूत पुढे आले आणि ध्रुव मागे होता. ते पाहून अनिल यांनी आपल्या खिशातून मोबाईल काढून ते पाहू लागले. तेवढ्यात एक ध्रुव अचानक पळत येऊन समोरून येणाऱ्या एका कारखाली चिरडला गेला. ही संपूर्ण घटना हॉटेलच्या सीसीटीव्हीमध्ये कैद झाली आहे. या व्हिडिओत दिसून येत आहे की, अनिल राजपूत हे मोबाईल हाताळत आहेत. त्यांच्या मागून ध्रुव अचानक जोरात धाव येतो. समोरून येणारी कार पाहत तो थांबण्याचा प्रयत्न करतो. पण तोपर्यंत उशीर होतो. तो थेट कारच्या चाकाखाली जातो. ही घटना राजपूत यांच्या लक्षात येईपर्यंत कार ध्रुवला चिरडत पुढे निघून जाते. त्यानंतर राजपूत व हॉटेलचे सुरक्षा रक्षक या कारच्या मागे धावतात. त्यानंतर इनोव्हा कार थांबते. यावेळी राजपूत व इतर लोकांनी कार चालकाला बेदम मारहाण केली. त्यानंतर ध्रुवला लगतच्या रुग्णालयात दाखल करण्यात आले. तिथे त्याचा उपचारादरम्यान मृत्यू झाला. या प्रकरणी नाशिकच्या इंदिरानगर पोलिस ठाण्यात गुन्हा दाखल करण्यात आला आहे. खाली पाहा घटनेचा व्हिडिओ हे ही वाचा... मुंबईतील आकाशवाणी आमदार निवासाला आग:संतोष बांगर यांच्या रुममधील घटना; इमारतीचे फायर ऑडिट झाले नसल्याचा आरोप मुंबई - मुंबईतील आमदार निवासाला आग लागल्याची धक्कादायक घटना आज पहाटे समोर आली. मंत्रालयाच्या मागील बाजूस असलेल्या आकाशवाणी आमदार निवासाला ही आग लागली. हिंगोली जिल्ह्यातील आमदार संतोष बांगर यांच्या रूममध्ये ही घटना घडल्याची माहिती समोर आली आहे. या संदर्भात आमदार निवासाचे फायर ऑडिट झाले नसल्याचा धक्कादायक आरोप करण्यात आला आहे. त्यामुळे आता या प्रकरणात सरकार काय कारवाई करणार? याकडे सर्वांचे लक्ष लागले आहे. वाचा सविस्तर

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article