बाप्पा आई-वडिलांना सर्वस्वी मानत तसे आपणही मानावे‎:श्री रिद्धी सिद्धी गणपती मंदिराच्या वर्धानदिनानिमित्त ज्ञानेश्वरीताई घाडगे यांची कीर्तनसेवा‎

हेचि थोर भक्ती आवडती देवा । संकल्पावी माया संसाराची ॥ ठेविलें अनंतें तैसेंचि राहावें । चित्तीं असों द्यावें समाधान ॥ वाहिल्या उद्वेग दुःखचि केवळ । भोगणें तें फळ संचिताचें ॥ तुका म्हणे घालूं तयावरी भार । वाहूं हा संसार देवापायीं ॥ या संत तुकाराम महाराजांच्या अभंगाचा सार घेत प्रत्येक मनुष्याने भक्ती करावी पण देवाला आवडणारी, मग प्रेमाने,आवडीने देवाची भक्ती करावी. त्या परमात्मा ने जसं ठेवले आहे तसेच रहावे आणि चित्तात समाधान ठेवावे. भक्ती मोरया गोसावी यांनी केली तशी करावी संत तुकाराम महाराज, संत जनाबाई, संत नामदेव महाराज, संत दामाजी पंत यांच्या सारखी असावी. आपल्या मुलांना योग्य संस्कार द्या. आपल्या धर्माचं ज्ञान द्या ते काळाची गरज आहे. आई-वडिलांची सेवा करा जसे गणपती बाप्पा आई वडिलांना सर्वस्वी मनत तसं आपण ही मानावें असे मत ज्ञानेश्वरीताई महाराज घाडगे यांनी व्यक्त केले ते श्री रिद्धी सिद्धी गणपती मंदिराच्या प्रथम वर्धापन दिनानिमित्त आयोजित कीर्तनात बोलत होत्या, मृदुंगाचार्य तुकाराम (महाराज)डोंगरे यांच्यासह, रामदास रोंगे,उमा शिदवाडकर, सिद्धी घाडगे यांनी संगीत अलंकाराची साथ दिली. पार्वती आवताडे, रिद्धी सिद्धी गणपती मंदिराचे विश्वस्त अशोक कोळी, राजस्थानातून येऊन मंगळवेढ्यात राहून ४१ वर्ष मंदिराची उभारणी करण्यासाठी योगदान दिलेले मोहनजी सोमपुरा आदीजण उपस्थित होते. मंगळवेढा | शनिवारी सायंकाळी ७ ते ९ स्वर रंजनी श्री गणेश भक्ती गीतांचा कार्यक्रम,स्वरध्यास संगीत विद्यालय सोलापूरच्या रसिका कुलकर्णी व सानिका कुलकर्णी यांनी सादर केला, त्यांना अक्षय भंडगे आणि यश जवळकर यांची तबला साथ लाभली. वांडवामी वेणू, तुझं मागतो मी आता, तू मायेचे सागर, रखुमाई रखुमाई, मोरया गणपती बाप्पा मोरया, महाभारत चे शिर्षक गीत,अवघे गर्जे पंढरपूर, अबीर गुलाल उधळीत रंग,नाथा घरी नाचे माझा सखा पांडुरंग, कानडा राजा पंढरीचा हा अभंग सादर करून गणेश भक्तांची मने जिंकली.