बैलगाडा मालकाचे अपहरण करुन मृतदेह जाळला:50 लाखांची मागितली होती खंडणी, पुणे पोलिसांकडून आरोपी जेरबंद

पुणे जिल्ह्यातील मावळ तालुक्यात नवलाख उंब्रे येथील एका बैलगाडा मालकाचे अपहरण करुन त्याच्या कुटुंबिय व नातेवाईकांकडे 50 लाख रुपये खंडणीची मागणी करण्यात आली हाेती. त्यानंतर आराेपींनी त्याचा गळा दाेरीने आवळून खून करत पुरावा नष्ट करण्यासाठी मृतदेह डाेंगरावर नेऊन त्याठिकाणी जाळून टाकत विल्हेवाट लावली हाेती. याबाबत पोलिसांकडे गुन्हा दाखल झाल्यानंतर त्यांनी आराेपींचा शाेध घेऊन त्यांना जेरबंद केले आहे. पंडीत रामचंद्र जाधव (वय-52,रा.जाधववाडी डॅम जवळ, नवलाख उंब्रे,ता.मावळ,पुणे) असे खून झालेल्या बैलगाडा मालकाचे नाव आहे. याप्रकरणी सूरज मच्छिंद्र वानखेडे (वय-23, रा.जाधववाडी, नवलाख उंब्रे,पुणे) व त्याचा मित्र रणजित कुमार (रा.बिहार) यांना पोलिसांनी अटक केली आहे. खंडणी विराेधी व औद्याेगिक तक्रारी निवारण पथकाचे वरिष्ठ पोलिस निरीक्षक देवेंद्र चव्हाण यांना माहिती मिळाली हाेती की, 14 नाेव्हेंबर पासून बैलगाडा मालक पंडीत जाधव बेपत्ता असून त्यांच्या नातेवाईकांना अनाेळखी आराेपीने व्हाॅटसअप काॅलद्वारे 50 लाख रुपयांची खंडणीची मागणी केली आहे. त्यानुसार पोलिसांनी जाधव यांच्या कुटुंबाची भेट घेऊन अधिक माहिती घेत, पंडित जाधव यांच्या माेबाईल क्रमांकाचे तांत्रिक विश्लेषण केले. तसेच सदर परिसरातील सीसीटीव्ही फुटजेची पाहणी केली. यादरम्यान पंडित जाधव यांच्या खाेलीत रहाणाऱ्या सूरज वानखेडे याची हालचाल संशयास्पद दिसून आल्याने पोलिसांनी त्याच्यावर सापळा रचला. परंतु पोलिस मागावर असल्याचे समजल्याने ताे साथीदारासह मुळ गावी पळून जाण्याच्या तयारी हाेता. त्याचवेळी पोलिसांनी आराेपींना अटक केली. त्यांच्याकडे अधिक चाैकशी केली असता, सुरज वानखेडेने सांगितले की, त्यांच्यात व्यैक्तिक कारणावरुन वाद झाले हाेते. त्यानंतर 14 नाेव्हेंबर राेजी त्याचा दाेरीने गळा आवळून खून केला. त्यानंतर पंडित जाधव यांच्या कुटुंबियाकडे पंडीत यांनी गाडीची मागणी केल्याचे भासवून, संबंधित गाडी घेून त्याच गाडीत पंडितचा मृतदेह टाकून ताे खेड तालुक्यातील वहागाव येथे डाेंगरावर नेऊन ताे जाळून टाकला आहे. तसेच संबंधित गाडी पुन्हा त्यांच्या घरी आणून लावण्य आली. त्यानंतर पंडित जाधव यांच्या माेबाईलवरील व्हाॅटसअपवरुन त्याच्या कुटुंबियांना पंडितचे अपहरण केले असून 50 लाख रुपये खंडणी मागणी केल्याचे कबुल केले आहे. याप्रकरणी तळेगाव एमआयडीसी पोलिस पुढील तपास करत आहे.