मविआच्या 160 ते 165 जागा निवडून येणार:लोकांमध्ये सरकारबद्दल रोष, भाजपने मराठा-ओबीसी दोघांना फसवले- विजय वडेट्टीवार

महाराष्ट्रात महाविकास आघाडी 100 टक्के सत्तेत येणार आम्ही 160 ते 165 जागा जिंकू आम्हाला पूर्ण विश्वास आहे. कारण लोकांमध्ये या सरकारबद्दल रोष होता, यासह अनेक गोष्टी त्यासाठी कारणीभूत आहेत, असे काँग्रेस नेते विजय वडेट्टीवार यांनी म्हटले आहे. दरम्यान विजय वडेट्टीवार पुढे बोलताना म्हणाले की, सामान्य मतदारांमध्ये सरकारविरोधात राग होता. ते ह्या निवडणुकीत दिसून आले. पोलमध्ये हरियाणात आमची परिस्थिती वेगळी दाखवली होती, पण परिसथिती बदलली. हे पोल 48 तासांआधीचे असताात, अन् त्या 48 तासांमध्ये परिस्थिती बदलली अन् भाजपला त्यांचा मोठा तोटा झाला. महिलांनी मविआला मतदान केले विजय वडेट्टीवार म्हणाले की, लाडकी बहिणीचे दीड हजार रुपये देऊन सरकारने त्यांच्या खिश्यातून दोन हजार रुपये काढून घेतले. गरजेच्या वस्तुचे भाव वाढले आणि याचा महिलांनी रोष व्यक्त केला. महिलांनी मविआला मतदान केल्याचा दावाही त्यांनी यावेळी केला आहे. तावडेंना आडकवण्याचे आदेश कुणाचा? विजय वडेट्टीवार म्हणाले की, भाजपने निवडणूक धार्मिक मुद्द्यावर नेण्याचा प्रयत्न केला. आता निवडणूक संपली असून आता हिंदूंचा मुद्दा भाजपकडून मागे पडेल. या निवडणुकीत पैशाचा मोठा वापर झाला. विनोद तावडेंना आडकवण्याचे कुणाचे आदेश होते हे समोर आले पाहिजे. त्या संदर्भात सरकार आल्यावर मी बोलेल. लोकांना सरकार नको होते विजय वडेट्टीवार म्हणाले की, मराठा-ओबीसींना फसवण्याचे काम भाजपने केले आहे. आमचे आरक्षण कमी करण्याचा प्रयत्न भाजपने केले आहे. गेली अनेक वर्षे स्थानिक स्वराज्य संस्थाच्या निवडणुका झाल्या नाही. ओबीसीसाठी भाजपने काही केले नाही. मराठा-ओबीसी मुद्दा ह्या निवडणुकीत नव्हता. लोकांना हे सरकारच नको होते.