लाडक्या बहिणींना निवडणुकीच्या तोंडावर पंधराशे दिले : प्रियंका गांधी

पुढारी ऑनलाईन डेस्क : महायुती सरकारकडून लाडक्या बहिणींना पंधराशे रूपये दिले जात आहेत, मात्र महिन्याचा घरातील खर्च १५०० रूपयांमध्ये होतो का? बहिणींनी सतर्क झालं पाहिजे. १० वर्ष सरकार असताना आताच का निर्णय घेतला. निवडणुकीच्या तोंडावर लाडक्या बहिंणींना पंधराशे रूपये दिले जात आहेत, अशी टीका प्रियंका गांधी यांनी केली. शिर्डी येथे जाहीर सभेत त्या बोलत होत्या.

छत्रपती शिवाजी महाराजांचा देशाला अभिमान आहे. पंतप्रधान नरेंद्र मोदी आणि त्यांचे नेते शिवरायांचा सन्मान करत नाहीत. त्यांनी संसदेच्या बाहेरील शिवरायांचा पुतळा हटवला. सिंधुदुर्ग मधील शिवाजी महाराजांचा पुतळा कोसळला, कारण पुतळा बनवतानाच भ्रष्ठाचार झाला होता. शिवरायांचा अपमानच करणार असाल तर नाव घेऊन काय उपयोग? काँग्रेसचा कुठलाच नेता शिवाजी महाराचांचा अपमान सहन करणार नाही, असे प्रियंका गांधी म्हणाल्या.