लासलगावी दुकानदारांना काचेच्या ग्लासचे वाटप, भारतमाता बहुउद्देशीय विकास संस्थेचा अनोखा उपक्रम

लासलगाव प्लास्टिक व कागदी ग्लासमुळे सार्वजनिक आरोग्याचा प्रश्न निर्माण झाल्याने हॉटेल, चहा टपरींसह छोट्या-मोठ्या खाद्यपेय विक्री करणाऱ्या ठेल्यांवर प्लास्टिक, कागदी ग्लास, प्लेट, वाट्यांचा वापर करू नये याबाबत भारत माता बहुउद्देशीय संस्थेतर्फे जनजागृती करत बहुतांश हॉटेल व्यावसायिकांना काचेच्या ग्लासाचे वाटप करण्यात आले. भारत माता बहुउद्देशीय संस्थेतर्फे दरवर्षी शैक्षणिक, धार्मिक, सामाजिक आणि सांस्कृतिक कार्यक्रम करत लोकोपयोगी कामकाज करणारी भारतमाता बहुउद्देशीय संस्थेने वेगळी ओळख मिळवली आहे. प्लास्टिक ग्लासचा वापर केल्याने नागरिकांच्या आरोग्याचा प्रश्न निर्माण होत असल्याचे आरोग्य विभागाने जाहीर केले आहे. चहा विक्री करणाऱ्या हॉटेल, हातगाड्यावरील व्यावसायिकांना काचेच्या ग्लासचे वाटप करत यापुढे कागदी, प्लास्टिक किंवा अशा वस्तूंमुळे नागरिकांच्या आरोग्याचा प्रश्न निर्माण होईल, असे साहित्य न वापरण्याचे आवाहन संस्थेतर्फे करण्यात आले. शास्त्रज्ञांच्या अभ्यासानुसार चहासाठी प्लास्टिकचे ग्लास वापरणे आरोग्यास धोकादायक ठरते. चहा व खाद्यपदार्थ खातांना मोठ्या प्रमाणावर प्लास्टिक शरीरात जात कॅन्सरसारख्या आजाराचे प्रमाण वाढले आहे. ग्रामीण भागात समाजसेवी संस्था व सामाजिक कार्यकर्त्यांनी जनजागृती करण्यासाठी "कॅन्सरला बसावा आळा, म्हणून प्लास्टिकचा वापर टाळा’ ही संकल्पना साकारण्यासाठी पुढे येण्याची गरज आहे. -शरद लोहकरे, अध्यक्ष, भारत माता संस्था, लासलगाव काचेच्या ग्लासचे वाटप करताना भारतमाता बहुउद्देशीय संस्थेचे पदाधिकारी व मान्यवर