गोव्याहून संभाजीनगरला येणाऱ्या बसचा कोल्हापुरात अपघात:एकाचा जागीच मृत्यू, चौघे जण गंभीर, चालकाचे नियंत्रण सुटल्याने बस उलटली

गोव्यावरून छत्रपती संभाजीनगरकडे जाणारी खासगी आराम बस करवीर तालुक्यातील कांडगाव येथे मध्यरात्री उलटून झालेल्या अपघातात एकजण ठार झाला. यात छत्रपती संभाजीनगरचे अमोल परशुराम भिसे यांचा मृत्यू झाला आहे. अपघातात 30 पेक्षा जास्त जण जखमी असून काही जणांची प्रकृती गंभीर आहे. मिळालेल्या माहितीनुसार, छत्रपती संभाजीनगरमधील एका कंपनीचे जवळपास दीडशे कर्मचारी सहलीसाठी बसने गोव्याले गेले होते. गोव्याहून परतताना कोल्हापूरकडे जाणारी एक बस उलटून त्यातील एका जणांचा जागीच मृत्यू झाला तर चौघांची परिस्थिती गंभीर आहे, त्यांच्यावर कोल्हापूरच्या सीपीआर रुग्णालयात उपचार सुरू आहेत. नेमके काय घडले? गोव्याहून निघालेली बस कणकवलीमध्ये जेवनासाठी थांबली होती. जेवनानंतर बस कोल्हापूरच्या दिशेने निघाली, यावेळी कांडगावच्या शिंदे मळ्याजवळ तीव्र वळण होते तिथे चालकांचा बसवरील ताबा सुटला अन् बस उलटली. अपघातात एकाचा मृत्यू झाला असून, 30 प्रवासी जखमी झाले आहेत. त्यापैकी 4 जणांची प्रकृती चिंताजनक आहे. अपघाताची माहिती मिळताच स्थानिकांसह पोलिसांनी घटनास्थळी धाव घेत मदतकार्य सुरू केले. बसमधील लोकांना बाहेर काढत रुग्णालयात पाठवले. जखमींवर कोल्हापूरमधील सीपीआर आणि खासगी रुग्णालयांमध्ये उपचार सुरू आहेत. पोलिसांकडून चौकशी सुरू प्राथमिक तपासानुसार, तीव्र वळण आणि वेगामुळे बसचा तोल सुटल्याचा अंदाज व्यक्त करण्यात येत आहे. मात्र, चालक झोपेत होता का? बसमध्ये कोणतीही यांत्रिक बिघाड होती का? याची चौकशी पोलिसांनी सुरू केली आहे. तर अपघातानंतर रस्तावरील बस बाजूला करत वाहतूक सुरळीत करण्यात आली. सापुतारा घाटामध्ये बस 200 फूट दरीत कोसळून 5 ठार सापुताऱ्याजवळ माळेगावच्या घाटात रविवारी पहाटे साडेचारदरम्यान चालकाचे नियंत्रण सुटल्याने खासगी बस 200 फूट खोल दरीत कोसळून 5 ठार, तर 45 भाविक जखमी झाले. मृतांत 2 महिलांसह 3 पुरुषांचा समावेश आहे. सर्व भाविक मध्य प्रदेशातील गुणा जिल्ह्यातील शिवपुरी आणि अशोकनगर परिसरातील असून ते 23 डिसेंबरपासून तीर्थयात्रेसाठी निघाले होते. त्र्यंबकेश्वर येथून दर्शनानंतर गुजरातमधील द्वारका येथे दर्शनासाठी जात असताना हा अपघात झाला.