लेहमध्ये कार्यरत नांदेडच्या‎ जवानाला अतिथंडीने वीरमरण‎:आज गावी हिरानगर तांडा येथे सकाळी 10 वाजता अंत्यसंस्कार‎

लेहमधील सियाचीन ग्लेशियर भागात‎कर्तव्यावर असलेल्या नांदेड जिल्ह्यातील ‎‎‎जवानाचा अतिथंडीमुळे‎‎प्रकृती बिघडल्याने मृत्यू‎‎झाला. सुधाकर शंकर‎‎राठोड (४०) असे जवानाचे‎‎नाव आहे. ते मुखेड‎‎तालुक्यातील हिरानगर तांडा‎येथील रहिवासी होते. आज २७ रोजी त्यांचे‎पार्थिव गावी आणले जाईल. त्यानंतर शासकीय‎इतमामात अंत्यसंस्कार केले जाणार आहेत.‎ सुधाकर राठोड हे १२७ एलटी एडी रेजिमेंट‎या बटालियनमध्ये हवालदार पदावर कार्यरत‎होते. ते २००६ मध्ये भारतीय सैन्य दलात भरती‎झाले होते. ते सध्या लेहमधील सियाचीन‎‎‎‎‎‎‎‎‎‎‎‎‎भागात बर्फाळ प्रदेशात कार्यरत होते. मेंदूला‎ऑक्सिजन पुरवठा कमी पडू लागल्याने त्यांची‎प्रकृती बिघडली. लष्कराने त्यांना चंदीगड‎येथील कमांड हॉस्पिटलमध्ये उपचारार्थ दाखल‎केले होते. मात्र, उपचार सुरू असताना‎सोमवारी सकाळी, ७ वाजेच्या सुमारास त्यांची‎प्राणज्योत मालवली. त्यांचे पार्थिव चंदीगड‎येथून विमानाने हैदराबादेत व नंतर‎रुग्णवाहिकेने आज हिरानगर (ता. मुखेड)‎येथे आणले जाणार आहे. सकाळी १० वाजता‎शासकीय इतमामात अंत्यसंस्कार होतील.‎ पुढील वर्षी घेणार होते निवृत्ती‎ जवान सुधाकर राठोड यांची १९ वर्षे ४ महिने‎देशसेवा झाली होती. पुढच्या वर्षी त्यांना‎सेवानिवृत्ती घ्यायची होती. मात्र निवृत्तीच्या‎काही महिन्यांपूर्वीच ही घटना घडली.‎