विजयानंतर कोठे स्वामीचरणी, अभिजित पाटलांनी घेतले कनकंबा देवीचे दर्शन:नूतन आमदार अभिजित पाटील यांची करकंब येथे भेट

सोलापूर शहर मध्य विधानसभा मतदारसंघातून निवडून आल्यानंतर भाजपचे आमदार देवेंद्र कोठे यांनी अक्कलकोट येथील श्री वटवृक्ष स्वामी महाराज मंदिरास भेट देऊन स्वामी समर्थांचे दर्शन घेतले. यावेळी मंदिर समितीच्या वतीने मंदिर समितीचे चेअरमन महेश इंगळे यांनी आमदार कोठे यांचा स्वामी समर्थांचे कृपावस्त्र, प्रसाद, प्रतिमा देऊन यथोचित सन्मान केला. याप्रसंगी बोलताना आमदार देवेंद्र कोठे यांनी स्वामी समर्थांच्या कृपेने व मतदारसंघातील जनतेचे आपल्यावरील निष्ठेमुळे आपल्याला विधानसभेत पाठविले आहे. याबद्दल मी मतदार संघातील नागरिकांचा व स्वामी समर्थांचा अत्यंत ऋणी असल्याची भावना व्यक्त केली. याप्रसंगी मंदिर समितीचे प्रथमेश इंगळे, सचिव आत्माराम घाटगे, विश्वस्त महेश गोगी, संपतराव शिंदे आदी उपस्थित होते. जानकर यांनी घेतली भेट विजयानंतर नूतन उत्तमराव जानकर यांनी स्व.सहकार महर्षी शंकरराव मोहिते पाटील यांच्या समाधीचे दर्शन घेतले तसेच माजी उपमुख्यमंत्री विजयसिंह मोहिते पाटील व जयसिंह मोहिते पाटील यांची भेट घेऊन आशीर्वाद घेतले. करकंब |माढा विधानसभा मतदारसंघात विजयी झाल्यानंतर नूतन आमदार अभिजित पाटील यांनी पंढरपूर तालुक्यातील करकंब येथे भेट दिली होती. तेव्हा करकंबचे ग्रामदैवत कनकंबा माता देवीच्या चरणी नतमस्तक होऊन माढा मतदारसंघाचे नूतन आमदार अभिजित पाटील यांनी दर्शन घेतले. पंढरपूरहून मुंबईकडे जाताना पाटील यांनी थांबून देवीचे दर्शन घेतले. तसेच अभिमान नगर येथे ही हॉटेल बासुरी येथे कार्यकर्त्यांना भेटून सत्कार स्वीकारला. अक्कलकोट | दुसऱ्यांदा विजयी झाल्यानंतर आमदार सचिन कल्याणशेट्टी यांनी श्री स्वामी समर्थ अन्नछत्र मंडळात आले असता,मंडळाचे कार्यकारी अध्यक्ष अमोलराजे जन्मेजयराजे भोसले यांच्या हस्ते श्रींची मूर्ती, कृपावस्त्र व श्रीफळ देऊन मंडळाच्या वतीने सत्कार करण्यात आला. याप्रसंगी भाजपा शहराध्यक्ष शिवशरण जोजन, महेश हिंडोळे, मिलन कल्याणशेट्टी, सिध्दाराम बाके, मधुकर सुरवसे . आदी उपस्थित होते.