श्री नरसिंग महाराज यात्रोत्सवात उद्या विविध कार्यक्रम‎:महोत्सावानिमित्त रोज भजन, प्रवचन, हरिपाठ, भारुड, नाम संकीर्तन

श्री नरसिंग महाराज यात्रा महोत्सवांतर्गत २० नोव्हेंबर रोजी विविध धार्मिक कार्यक्रमांचे आयोजन करण्यात आले आहे. महोत्सव १६ ते २८ नोव्हेंबर दरम्यान श्री नरसिंग महाराज मंदिरात आयोजित करण्यात आला आहे. महोत्सावानिमित्त रोज भजन, प्रवचन, हरिपाठ, भारुड, नाम संकीर्तन होत आहे. बुधवारी, २० नोव्हेंबर रोजी श्री नरसिंग महाराजांच्या यात्रेनिमित्त विविध धार्मिक कार्यक्रम होणार आहेत. २१ नोव्हेंबर रोजी श्री नरसिंग महाराजांची पालखी सकाळी ९ वाजता अनंतराव देशमुख यांच्या सहभागात निघेल. पालखीला श्री नरसिंग मंदिरातून प्रारंभ होईल. दुपारी ४ वाजता श्री पालखी मिरवणूक मंदिरात परत येईल व नंतर गोपाळकाला (दहीहांडी) तसेच महाप्रसादाचे वितरण होणार आहे. २३ नोव्हेंबर रोजी श्री हरीनाम सप्ताहाची समाप्ती सकाळी ९ वाजता प्रभाकर बुवा सरोदे यांचे काल्याचे कीर्तनाने होणार आहे. २७ नोव्हेंबर रोजी श्री नरसिंग महाराजांचे समाधीस सकाळी ६ वाजता रुद्राभिषेक व सकाळी ९ वाजता श्री गाईची पूजा (गोतांबील) होणार आहे. २८ नोव्हेंबर रोजी श्री संत मियासाहेब यांचे तक्तासमोर काकडा आरती, भजन, गोपाळकाला प्रक्षाळ पूजेचे भजन होणार आहे. उपस्थितीचे आवाहन संस्थानचे अध्यक्ष सतीश आसरकर यांनी केले आहे.