सहकार महोत्सवाचे उद्घाटन:सहकारी सोसायट्यांना जागा देण्यास शासनस्तरावर प्रयत्न- सहकार राज्यमंत्री पंकज भोयर

ग्रामीण भागात शेतकऱ्यांना कृषी कर्ज उपलब्ध करून देण्यासाठी कार्यरत सेवा सहकारी सोसायट्यांना कार्यालयासाठी जागा मिळवून देण्यासाठी शासन स्तरावर प्रयत्न करणार आहोत. यासंदर्भात आपण राज्याचे मुख्यमंत्री व महसूल मंत्री यांच्याशी चर्चा करणार असल्याचे आश्वासन सहकार, शालेय शिक्षण व गृह राज्यमंत्री डॉ. पंकज भोयर यांनी दिले. अकोला-वाशीम जिल्हा मध्यवर्ती सहकारी बँकेतर्फे आंतरराष्ट्रीय सहकार वर्षानिमित्त ‘सहकारातून समृद्धी’ उपक्रमाचा शुभारंभ प्रसंगी सहकार राज्यमंत्री भोयर यांच्या हस्ते झाला. त्यावेळी ते बोलत होते. यावेळी आ. रणधीर सावरकर, शिक्षक आमदार किरण सरनाईक, बँकेचे अध्यक्ष डॉ. संतोषकुमार कोरपे, सुभाष कोरपे, माजी मंत्री सुभाष ठाकरे आदी उपस्थित होते. प्रास्ताविक बँकेचे व्यवस्थापकीय संचालक अनंत वैद्य यांनी केले. ते म्हणाले की ११६ वर्ष बँकेला झाली आहेत. ८३५ सोसायट्यांपैकी ८०० सोसायट्यांचे संगणकीकरण पूर्ण झाले असून गट सचिव यांना याबाबत प्रशिक्षण सुद्धा दिले आहे. आता वर्षभर सहकार उर्वरित पान ४ कर्जमाफी देवून टाका : डॉ.कोरपे विधानसभा निवडणुकीपूर्वी महायुती सरकारने कर्जमाफी देण्याची घोषणा केली होती. त्यामुळे एकदाची कर्जमाफी देऊनच टाका याशिवाय सहकाराची समृद्धी अजूनही पूर्ण झाली नाही. सोसायट्यांना अद्याप जागा नाही.हा प्रश्न आपल्या स्तरावर सोडवावा, अशी मागणी बँकेचे अध्यक्ष डॉ. संतोष कोरपे यांनी यावेळी केली. याशिवाय शासनाकडून सहकारी संस्थांना ऑडिट रिपोर्ट यासारख्या जाचक अटी सरकार संस्थांवर लादत आहे त्यावरही नियंत्रण कसे आणता येईल, असे डॉ.कोरपे म्हणाले. मात्र, यावर सहकार राज्यमंत्री भोयर काही भाष्य केले नाही.