हर्षित, प्रिशाला दुहेरी जेतेपद

ग्रेटर मुंबई बॅडमिंटन असोसिएशन (जीएमबीए) आणि महाराष्ट्र बॅडमिंटन असोसिएशन (एमबीए) आयोजित महाराष्ट्र राज्य खुल्या बॅडमिंटन स्पर्धेत हर्षित माहिमकर आणि प्रिशा शाहने दुहेरी जेतेपदांवर आपले नाव कोरले.

विलिंग्डन स्पोर्ट्स क्लब कोर्टवर झालेल्या स्पर्धेच्या पुरुष एकेरीच्या अंतिम फेरीत बिगरमानांकित हर्षितने चौथ्या सीडेड सोहम फाटकवर 21-12, 21-7 असा विजय मिळवला. तत्पूर्वी, सर्वोत्तम कामगिरीमध्ये सातत्य राखताना 17 वर्षांखालील मुले एकेरी गटाच्या फायनलमध्ये अव्वल मानांकित तनय मेहेंदळेवर सरळ गेममध्ये 21-7, 21-13 अशी मात केली. या गटात हर्षितला दुसरे सीडिंग होते.

प्रिशाने महिला एकेरीसह 17 वर्षांखालील मुली एकेरी गटात बाजी मारली. महिला गटात तिने देवांशी शिंदेला 21-18, 21-10 असे सरळ गेममध्ये हरवले. 17 वर्षांखालील एकेरी गटात दुसरे सीडिंग असलेल्या प्रिशाने बिनसीडेड खुशी पाहवावर 21-16, 21-16 अशी मात केली.

निकाल (सर्व अंतिम फेरी

n  11 वर्षांखालील मुले एकेरी ः 1-प्रिया अंबुर्ले विजयी वि. 2-समीक्षा मिश्रा 21-14, 16-21, 21-13. n 13 वर्षांखालील मुली एकेरी,   2-अन्विषा घोरपडे विजयी वि. इमान मोटरवाला 14-21, 21-12, 21-13; n15 वर्षांखालील मुली एकेरीः खुशी पाहवा विजयी वि. 1-आर्य मेस्त्राr 21-14, 18-21, 21-18;  n 17 वर्षांखालील मुली एकेरी ः 2-प्रिशा शाह विजयी वि.  खुशी पाहवा 21-16, 21-16; n 13 वर्षांखालील मुले एकेरी ः 2-श्लोक गोयल विजयी वि. 1-रुहान भाटिया 21-13, 21-16; 15 वर्षांखालील मुले एकेरीः 1-प्रफुल्ल पटेल विजयी वि. 2-कृती पटेल 16-21, 21-15, 21-15; n 17 वर्षांखालील मुले एकेरी  ः 2-हर्षित माहीमकर विजयी वि. 1-तनय मेहेंदळे 21-7, 21-13; n 17 वर्षांखालील मुली दुहेरी ः अनन्या राणे/जाश्वी भट्ट विजयी वि. आर्य फलाने/एनाया गोलेचा 21-9, 21-19.