25 वर्षांनी स्नेहमेळाव्यातून एकत्र आले शाळेतील सवंगडी:देशमुख विद्यालयातील विद्यार्थ्यांनी जुन्या आठवणींना दिला उजाळा

ढोरकीन छत्रपती संभाजीनगरच्या रामनगर येथील स्व. सुशीलादेवी देशमुख प्राथमिक व माध्यमिक विद्यालयातील १९९८-९९ बॅचच्या माजी विद्यार्थ्यांचा स्नेहमेळावा नुकताच संपन्न झाला. तब्बल २५ वर्षानंतर एकत्र आलेल्या मित्र मैत्रिणींनी शाळेतील जुन्या आठवणींना उजाळा दिला. शाळा सोडून २५ वर्षे झाली म्हणजे रौप्य महोत्सवी वर्ष हा योगायोग झाला. गेल्या पंचवीस वर्षामधील काळात अनेक विविध स्तरातील मित्र- मैत्रिणी झाल्या पण शाळेतील मित्र- मैत्रिणींची ही जागा वेगळीच असते असे यावेळी अनुभवायला मिळाले. धावपळीच्या जीवनात जगणे विसरलेल्या सर्वच मित्र मैत्रिणींच्या जुन्या आठवणीला उजाळा देण्यासाठी स्नेहमेळावा मोठ्या दिमाखात शाळेत संपन्न झाला. यावेळी १९९८ च्या शिक्षकांना विशेष आमंत्रित करून त्यांचा सत्कार करून त्यांच्या प्रति कृतज्ञताही व्यक्त केली. यानिमित्ताने शाळेतील जुने दिवस नव्याने अनुभवायला मिळाले. तत्कालीन शालेय जीवन डोळ्यासमोर आले. अभ्यास, मस्ती, धमाल, शिक्षा व शिक्षकांनी लावलेली कडक शिस्त यामुळे या शाळेचे काही मुले डॉक्टर, वकील, इंजिनिअर होऊन देश- विदेशात व्यवसायासह आपले व आपल्या शाळेचे नाव उंचावत आहे असे उपस्थित शिक्षकवृंदानि यावेळी सांगितले. सर्व माजी विद्यार्थी, विद्यार्थिनी तब्बल पंचवीस वर्षानंतर भेटल्याने प्रत्येकजण जुन्या आठवणीत आणि जुन्या मित्र मैत्रिणींमध्ये फार रमून गेले होते. यानंतर सर्वांनी स्नेहभोजनाचा आस्वाद घेतला व पुढील वर्षी पुन्हा नक्की भेटू असे एकमेकांना सांगितले. यावेळी अजय सोनवणे, अजय दिलपाक, स्वप्नील राठोड, राहुल शंभरकर, ऋषिकेश डोळे, राजेंद्र सवणे, शिवाजी मोटे, संतोष पिसे, कुमार भवर, बिपिन खंदारे, चंद्रकांत सोनवणे, प्रकाश चिकटे, प्रेमदीप मतलाने, निलेश दाते, अमोल जाधव, अमित पाटील, दीपक मगर, गणेश कोळी, विशाल गौड, रविंद्र माने, ज्ञानेश्वर शिंदे, नागनाथ रुच्चनभैरे, सचिन शार्दूल, नारायण गाडेकर, अनिल पवार, योगेश महालकर, मारोती सोळुंके, नितीन मुरदारे, आलोक चव्हाण, प्रदीप शिवरामे, लता राठोड, ममता पवार, शारदा बिरादार, स्वाती गोखले, मनीषा मोरे, सुनिता जऱ्हाड, अनिता खाडे, ज्योती इंगळे, सुमित्रा पोटे, रूपाली जोशी, सारिका साबळे, स्मिता पांडे, सुरेखा माने, ज्योत्स्ना स्वामी, रोहिणी साखरे, मोहिनी गायकवाड सह मोठ्या संख्येने माजी विद्यार्थी उपस्थित होते. देशमुख विद्यालयातील माजी विद्यार्थ्यांनी एकत्र येत स्नेहसंमेलन घेतले. विद्यार्थ्यांनी शिक्षकांना दिले स्मृतिचिन्ह भेट आपण आता वर्तमानात शाळेतीलच विद्यार्थी आहोत असा अनुभव यावेळी आला. काही विद्यार्थिनींना तर एकमेकांना बघून त्यांच्या डोळ्यांमध्ये आनंदाश्रूही आले. आपण पंचवीस वर्षानंतर भेटत आहोत हा विश्वासच त्यांना होत नव्हता. या स्नेहमेळाव्याचे अध्यक्ष म्हणून संस्थेच्या चित्रा माने, सचिव चेतन माने, शिक्षक पहिलवान, कुऱ्हे, गवई, राठोड, वैद्य व गोगटे आदी यावेळी उपस्थित होते. यावेळी विद्यार्थ्यांनी शिक्षकांना स्मृतीचिन्ह भेट दिले व त्यांचा यथोचित सत्कारही केला.