Amol Kolhe : ‘दादागिरी वाढली तर उघडावा लागतोय तिसरा डोळा अन्…’, अमोल कोल्हेंचा रोख अजितदादांवर?

2 hours ago 1

'दादागिरी वाढली तर उघडावा लागतोय तिसरा डोळा अन्...', अमोल कोल्हेंचा रोख अजितदादांवर?

Harshada Shinkar | Updated on: Nov 18, 2024 | 5:24 PM

शरद पवार यांनी बारामतीतील आपल्या उमेदवार अर्थात नातू युगेंद्र पवार यांच्यासाठी सांगता प्रचारसभा घेतली. यावेळी शरद पवार गट राष्ट्रवादीचे खासदार अमोल कोल्हे यांनी युगेंद्र पवार यांच्यासाठी तुफान बॅटिंग केली.

महाराष्ट्रात विधानसभा निवडणुकीची रणधुमाळी जोरदार सुरु आहे. या निवडणुकीसाठी २० नोव्हेंबर रोजी मतदान होणार असून २३ नोव्हेंबर रोजी निकाल जाहीर होणार आहे. आज राज्यभरात राजकीय पक्षांच्या प्रचाराच्या तोफा थंडावणार आहेत. त्यामुळे प्रचाराला वेग आला असून सर्वच राजकीय नेत्यांच्या आज सांगता सभा होतायत. या पार्श्वभूमीवर उपमुख्यमंत्री अजित पवार यांनी बारामतीत अजित पवार गट राष्ट्रवादीची सांगता सभा घेतली. तर शरद पवार यांनी बारामतीतील आपल्या उमेदवार अर्थात नातू युगेंद्र पवार यांच्यासाठी सांगता प्रचारसभा घेतली. यावेळी शरद पवार गट राष्ट्रवादीचे खासदार अमोल कोल्हे यांनी युगेंद्र पवार यांच्यासाठी तुफान बॅटिंग केली. ‘कोणी अरेरावी करत असेल तर बारामतीची जनता भोळी, तसा शिवशंकर भोळा आणि बारामतीत दादागिरी वाढली तर उघडावा लागतोय तिसरा डोळा…’, असं अमोल कोल्हे म्हणाले आणि त्यांनी अजित पवारांवर निशाणा साधला. पुढे ते म्हणाले, हा नियतीचा संकेत आहे. तीन नंबरच्या युगेंद्र पवार यांच्या नावापुढचं बटण दाबून युगेंद्र पवार यांना सर्वाधिक मतांनी विजयी करा, असं आवाहन देखील अमोल कोल्हे यांनी बारामतीकरांना केल.

Published on: Nov 18, 2024 05:23 PM

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article