Budget 2025 | सोमवारी मुंबई महापालिकेचा अर्थसंकल्प !

मुंबई महानगरपालिका अस्तित्वात नसल्यामुळे पालिका अतिरिक्त आयुक्त प्रवीण बांगर मुंबई महापालिका सभागृहात पालिका आयुक्त व प्रशासक भूषण गगराणी यांना सोमवारी दुपारी १२ वाजता २०२५-२६ या आर्थिक वर्षाचे अर्थसंकल्पीय अंदाजपत्रक सादर करणार आहेत. गगराणी यांचा हा पहिलाच अर्थसंकल्प आहे. सध्या शहरात कोस्टल रोडसह गोरेगाव मुलुंड लिंक रोड, सांडपाणी प्रक्रिया केंद्र, जलबोगदे, नवीन जलवाहिन्या टाकणे, पर्जन्य जलवाहिन्यांचे जाळे सक्षम करणे, नवीन मलनिसाः रण वाहिन्या टाकणे, नवीन रस्ते, पदपथ, उद्यान-मैदान विकास, शहर व उपनगरातील विविध भागांचे सुशोभीकरण, शाळांच्या इमारतीचे पुनर्वसन, नवीन हॉस्पिटल इमारत बांधणे या कामांना गती देण्यासाठी या अर्थसंकल्पात भरीव आर्थिक तरतूद करण्यात येणार असल्याचे सांगण्यात येत आहे. मुंबई महानगरपालिका सार्वत्रिक निवडणूक यावर्षी होणार असल्यामुळे या अर्थसंकल्पात नवीन प्रकल्प व योजनांचा समावेश होण्याची शक्यता आहे. मुंबईकरांना नव्या सेवा सुविधा उपलब्ध करून देण्यासाठी राज्य सरकारने पालिका प्रशासनाला काही सूचनाही केल्या आहेत. काही नव्या प्रकल्पांची यादीही दिल्याचे बोलले जात आहे. यात नव्या उड्डाणपुलासह पाणीपुरवठ्याचे नवीन प्रकल्प, २०३४ च्या आराखड्यात आरक्षित केलेल्या जमिनीचा विकास, महालक्ष्मी रेसकोर्सचे सौंदर्यकरण, नव्या हॉस्पिटलची निर्मिती आदींचा समावेश असल्याचे सांगण्यात येत आहे.