Dhule News | भाजपाच्या तालुकाध्यक्षावर हल्ला करणाऱ्या 13 जणांना अटक

वाघाडी गावात बसस्टॅण्ड जवळील पानटपरीजवळ व ग्रामपंचायत कार्यालय मध्ये सार्वजनिक जागी अनिल वेडु खलाणे, सुनील शालीकराव माळी व वाघाडी गावाचे सरपंच किशोर विठ्ठल माळी यांना वाघाडी येथील उपसरपंच जगदीश रघुनाथ कोळी, यांच्यासह आलेल्या लोटन शामराव कोळी, बावु उर्फ रामप्रसाद सुकनंदन कोळी, समाधान भरत कोळी, किरण भरत कोळी, राज भरत कोळी, अजय रविंद्र कोळी, किरण बाजीराव कोळी,राहुल दत्तु कोळी, निलेश दिलीप कोळी, विशाल उर्फ अविनाश अशोक कोळी, जयेश प्रविण कोळी, धिरज कोळी, रविंद्र भिका कोळी व इतर ५ ते ६ जणांनी यापूर्वी दाखल केलेल्या केसेसचा राग मनात धरुन वाद घातला. जिवे ठार मारण्याचे उद्देशाने लोखंडी रॉड, तलवारी, काठ्या अशा हत्यारांनी त्यांचेवर हल्ला चढवुन त्यांना मारहाण करुन गंभीर दुखापती करुन जिवे ठार मारण्याचा प्रयत्न केला . याबाबत गुन्हा दाखल करण्यात आला होता.