IND vs ENG: అహ్మదాబాద్‌లో రోహిత్ సరికొత్త రికార్డ్.. కట్‌చేస్తే.. ఒకే దెబ్బకు ఇద్దరు దిగ్గజాలు ఔట్?

3 hours ago 2

Rohit Sharma 11000 ODI Runs Milestone: ఇంగ్లాండ్‌తో జరిగిన రెండో వన్డేలో భారత క్రికెట్ జట్టు కెప్టెన్ రోహిత్ శర్మ అద్భుతమైన సెంచరీ సాధించాడు. ఆదివారం కటక్‌లోని బారాబతి స్టేడియంలో జరిగిన ఈ మ్యాచ్‌లో రోహిత్ 90 బంతుల్లో 119 పరుగులు చేశాడు. కెప్టెన్‌గా తన 50వ వన్డేలో రోహిత్ 12 ఫోర్లు, 7 సిక్సర్లు బాదడంతో భారత్ 44.3 ఓవర్లలో 6 వికెట్లకు 305 పరుగుల లక్ష్యాన్ని చేరుకుంది. ఐసీసీ ట్రోఫీని గెలుచుకున్న ముగ్గురు భారత కెప్టెన్లలో ఒకరైన 37 ఏళ్ల కుడిచేతి వాటం బ్యాట్స్‌మన్ రోహిత్ శర్మ, చివరి వన్డేలో కూడా భారీ స్కోర్ చేయాలని అంతా భావిస్తున్నారు.

భారత్, ఇంగ్లాండ్ జట్ల మధ్య మూడు వన్డేల సిరీస్‌లో చివరి మ్యాచ్ ఫిబ్రవరి 12 బుధవారం అహ్మదాబాద్‌లోని నరేంద్ర మోడీ స్టేడియంలో జరగనుంది. ఈ మ్యాచ్‌లో రోహిత్ 13 పరుగులు చేస్తే, వన్డేల్లో 11,000 పరుగులు పూర్తి చేసిన ప్రపంచంలోనే రెండవ అత్యంత వేగవంతమైన బ్యాట్స్‌మన్‌గా నిలిచాడు.

రోహిత్ జూన్ 23, 2007న బెల్‌ఫాస్ట్‌లో ఐర్లాండ్‌తో జరిగిన వన్డే మ్యాచ్‌తో అరంగేట్రం చేశాడు. ఇప్పటివరకు 267 వన్డేల్లో 10,987 పరుగులు చేశాడు. వన్డేల్లో అత్యంత వేగంగా 11,000 పరుగులు చేసిన రికార్డు విరాట్ కోహ్లీ పేరిట ఉంది. కోహ్లీ తన 230వ వన్డేలో 222వ ఇన్నింగ్స్‌లో ఈ ఘనత సాధించగా, రోహిత్ ఇప్పటివరకు 259 ఇన్నింగ్స్‌లు ఆడాడు.

ఇవి కూడా చదవండి

వన్డేల్లో అత్యంత వేగంగా 11,000 పరుగులు చేసిన బ్యాట్స్‌మన్స్..

విరాట్ కోహ్లీ (భారతదేశం) – 222 ఇన్నింగ్స్‌లు

సచిన్ టెండూల్కర్ (భారతదేశం) – 276 ఇన్నింగ్స్‌లు

రికీ పాంటింగ్ (ఆస్ట్రేలియా, ఐసీసీ) – 286 ఇన్నింగ్స్‌లు

సౌరవ్ గంగూలీ (భారతదేశం) – 288 ఇన్నింగ్స్‌లు

జాక్వెస్ కల్లిస్ (దక్షిణాఫ్రికా) – 293 ఇన్నింగ్స్‌లు

మూడో వన్డేలోనూ రోహిత్ సెంచరీ సాధిస్తే, సచిన్ టెండూల్కర్, విరాట్ కోహ్లీ తర్వాత 50 అంతర్జాతీయ సెంచరీలు సాధించిన మూడో భారత బ్యాట్స్‌మన్‌గా నిలిచే అవకాశం ఉంటుంది. టెండూల్కర్ తన కెరీర్‌లో 664 మ్యాచ్‌ల్లో 100 సెంచరీలు సాధించగా, కోహ్లీ ఇప్పటివరకు 544 మ్యాచ్‌ల్లో 81 సెంచరీలు సాధించాడు.

ఇంగ్లాండ్‌తో జరిగిన రెండో వన్డేలో రోహిత్, వన్డే క్రికెట్‌లో క్రిస్ గేల్ 331 సిక్సర్ల రికార్డును బద్దలు కొట్టాడు. అతను అహ్మదాబాద్‌లో కనీసం 14 సిక్సర్లు కొడితే, వన్డేల్లో అత్యధిక సిక్సర్లు కొట్టిన బ్యాట్స్‌మన్ అవుతాడు. ప్రస్తుతం ఈ రికార్డు పాకిస్తాన్ మాజీ కెప్టెన్, లెజెండరీ ఆల్ రౌండర్ షాహిద్ అఫ్రిది పేరిట ఉంది. తన 19 ఏళ్ల వన్డే కెరీర్‌లో 398 మ్యాచ్‌ల్లో అఫ్రిది 351 సిక్సర్లు బాదాడు.

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article