Vidhansabha Election 2024 | नाशिकमध्ये रविवारी ‘वोटोथॉन’

नाशिक : विधानसभा निवडणुकीसाठी जिल्ह्यात बुधवारी (दि. 20) मतदान घेण्यात येणार आहे. मतदारांमध्ये मतदान जनजागृतीसाठी येत्या रविवारी (दि. 17) सकाळी 7 वाजता शहरात ‘वोटोथॉन’चे आयोजन करण्यात आले आहे.

वोटोथॉनमध्ये अधिकाधिक नाशिककरांनी सहभागी व्हावे. तसेच बुधवारी,दि. 20 तारखेला प्रत्येक नागरिकांनी आवर्जून मतदान करावे, असे आवाहन विभागीय आयुक्त डॉ. प्रवीण गेडाम यांनी केले. मतदानाचा टक्का वाढविण्यासाठी विविध उपक्रम राबविण्यात येत आहेत. त्या अंतर्गत जिल्हाधिकारी कार्यालय, जिल्हा परिषद आणि महानगरपालिका यांच्या संयुक्त विद्यमाने वोटोथॉन उपक्रमाचे आयोजन करण्यात आले आहे. या उपक्रमाची माहिती देण्यासाठी जिल्हाधिकारी कार्यालयात पत्रकार परिषदेचे आयोजन करण्यात आले. त्याप्रसंगी डॉ. गेडाम बोलत होते.