ایران کے بحری بیڑے میں نیا کروز میزائل سسٹم اور دیگر اسٹریٹجک آلات شامل

19 hours ago 2

ایران کے بحری بیڑے میں نیا کروز میزائل سسٹم اور دیگر اسٹریٹجک آلات شامل

تہران: ایران کی بحریہ نے جمعرات کو اپنے بحری بیڑے میں نئے بحری کروز میزائل سسٹم اور دیگر دفاعی اور اسٹریٹجک آلات شامل کیے ہیں۔

تسنیم خبر رساں ادارے کے مطابق، ایران نے جنوبی صوبے ہرمزگان میں ایک تقریب کے دوران اپنی بحریہ کو مزید مضبوط بنانے کے لیے نئے فوجی سازوسامان اور سسٹم حوالے کیے ہیں۔اس تقریب کا اسٹریٹجک جیسک بندرگاہ کے قریب واقع آبنائے ہرمز کے نزدیک ایک نئے سمندری علاقے کے افتتاح کے موقع پر انعقاد کیا گیا ۔

فراہم کیے جانے والے فوجی سازوسامان میں طلائیہ (گولڈن) نیول کروز میزائل سسٹم، ایک اسمارٹ بغیر پائلٹ کے زیرِ آب گاڑی، ایک کم ریڈار کراس سیکشن ایئر ڈیفنس سسٹم، الیکٹرانک اور سائبر وارفیئر سسٹم، تیز حملہ کرنے والے طیارے، سطح سے سطح پر مار کرنے والے میزائل اور ابابیل-5 کثیر مقصدی اسٹریٹجک ڈرون شامل ہیں۔

یہ تمام ہتھیار اور سازوسامان ایران کی فوجی صلاحیتوں کو مضبوط بنانے کے ساتھ ساتھ علاقائی سلامتی میں بھی اہم کردار ادا کریں گے۔

سرکاری خبر رساں ایجنسی ارنا نے ایرانی مسلح افواج کے چیف آف اسٹاف محمد باقری کے حوالے سے بتایا کہ ملک کی بحریہ اپنے ضروری آلات کے ایک بڑے حصے کی تیاری میں خود کفیل ہے۔

ہمیں فالو کریں

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article