سنتھن سڑک بحال، صبح 9 بجے سے بعد دوپہر 3:30 تک آمدورفت کی اجازت

کشتواڑ// ہفتہ کی شام سنتھن ٹاپ پر تقریباً دس انچ برفباری کے بعد سوموار کی صبح انتظامیہ نے سڑک کو آمدورفت کے لیے کھول دیا۔
حکام کے مطابق، تازہ برفباری کے بعد سڑک کو عارضی طور پر بند کر دیا گیا تھا، جبکہ اتوار کو برف ہٹانے کا عمل مکمل کر لیا گیا۔ آج، موسم سازگار ہونے پر گاڑیوں کو دونوں اطراف سے گزرنے کی اجازت دے دی گئی ہے۔
حکام نے ہدایت دی ہے کہ چنگام پارنہ اور ڈکسم پولیس ناکہ پر گاڑیوں کو صبح 9 بجے سے دوپہر 3:30 بجے تک گزرنے کی اجازت ہوگی، اس کے بعد کسی بھی گاڑی کو سڑک پر چلنے کی اجازت نہیں ہوگی۔