سوپور کازخمی ڈاکٹرجانبر نہ ہوسکا

غلام محمد

سوپور//سوپور میں چندروز قبل موٹرسائیکل کی ٹکر سے شدیدزخمی ہونے والا ڈاکٹراتوار کورات دیر گئے سکمز میں انتقال کر گیا۔5نومبر 2024کو تقریباً شام ساڑھے سات بجے ایک نامعلوم موٹر سائیکل سوار نے سوپورکے عشہ پیر علاقے میں ایک راہگیر کو ٹکر مار کر زخمی کر دیا تھا جس کی شناخت 48سالہ ڈاکٹر اظہر حسن جانواری ولد مرحوم غلام حسن جانواری ساکن اپر عشہ پیرسوپورکے طور پرہوئی تھی۔زخمی ڈاکٹر کو کچھ مقامی لوگوں نے سوپورہسپتال پہنچایا، جہاں سے اسے خصوصی علاج کیلئے سکمزصورہ منتقل کیا گیا تھا تاہم2ہفتے تک زیر علاج رہنے کے بعداتوارکو رات دیر گئے ڈاکٹر اظہرانتقال کر گیا۔پولیس نے بتایا کہ سوپور تھانے میں قانون کی متعلقہ دفعات کے تحت مقدمہ درج کر لیا گیا ہے اورمفرور موٹر سائیکل سوار کی تلاش جاری ہے۔