इस्रायलच्या हवाई हल्ल्यात हिजबुल्लाहच्या मीडिया प्रमुखासह 10 जण ठार; 48 जखमी

पुढारी ऑनलाईन डेस्क : हिजबुल्लाहचा मीडिया संबंध प्रमुख मोहम्मद अफिफ रविवारी (दि.17) लेबनीज राजधानी बेरूतमध्ये इस्रायली हल्ल्यात ठार झाला, असे द टाइम्स ऑफ इस्रायलच्या एका वृत्तामध्ये म्हटले आहे. टाईम्स ऑफ इस्रायलच्या वृत्तानुसार, हिजबुल्लाने मोहम्मद अफिफच्या मृत्यूची पुष्टी केली आहे. टाईम्स ऑफ इस्रायलने वृत्त दिले आहे की मध्य बेरूतमधील सीरियन बाथ पार्टीच्या मुख्यालयावर आयडीएफ हल्ल्यात अफिफ मारला गेला. दरम्यान, यासोबतच लेबनॉनच्या टायर भागात इस्रायलच्या हल्ल्यात 11 जण ठार तर 48 जण जखमी झाल्याचे लेबनॉनच्या मंत्रालयाच्या हवाल्याने म्हटले आहे.

अल जझीराच्या वृत्तानुसार, अफिफने अलीकडेच पत्रकारांना दिलेल्या निवेदनात म्हटले आहे की, हिजबुल्लाहकडे इस्रायलविरुद्ध 'दीर्घ युद्ध' लढण्यासाठी पुरेशी शस्त्रे आहेत. अफिफची हत्या हे हिजबुल्लाच्या नेतृत्वाला संपवण्याच्या इस्रायलच्या ध्येयाच्या दिशेने आणखी एक पाऊल आहे. यापूर्वी लेबनॉन-आधारित गटाने हाशेम सफिदीनला प्रमुख म्हणून नियुक्त केल्यानंतर इस्रायलने हिजबुल्लाचा नेता हसन नसराल्लाला ठार मारले होते. इस्रायलचे पंतप्रधान बेंजामिन नेतन्याहू यांच्या घरावर बॉम्ब आग फेकल्याप्रकरणी रविवारी तीन संशयितांना अटक करण्यात आली. शनिवारी रात्री नेतन्याहू यांच्या सीझेरिया येथील खाजगी घरावर दोन फ्लेअर फेकले गेले, जे घराच्या अंगणात पडले. त्यावेळी पंतप्रधान आणि त्यांचे कुटुंबीय घरी नव्हते.

या वर्षी ऑक्टोबरच्या सुरुवातीला नेतन्याहू यांच्या खाजगी निवासस्थानावर हिजबुल्लाह ड्रोनने हल्ला केला होता. इस्त्रायली मीडियामध्ये प्रकाशित झालेल्या फोटोंमध्ये ड्रोनने मारलेल्या बेडरूमच्या खिडकीला तडे गेले, पण ते आत घुसण्यात अयशस्वी झाले. खिडकी बहुधा प्रबलित काचेची बनलेली असावी आणि इतर सुरक्षा उपाय असल्याचे मानले जाते. त्यावेळी नेतान्याहू आणि त्यांचे कुटुंबीय तेथे नव्हते. यासोबतच दोन दिवसांपुर्वी नेतन्याहू यांच्या घरावर दोन फ्लेअर डागण्यात आले होते.