कर्तव्यावरील 5 हजार 774 कर्मचाऱ्यांचे टपाली मतदान

विधानसभा निवडणुकीत कर्तव्यावर असलेल्या १० हजार ७०६ पैकी आतापर्यंत ५ हजार ७७४ कर्मचाऱ्यांनी मतदानाचा हक्क बजावला आहे. टपाली मतदानासाठी आवश्यक कागदपत्रे केलेल्या कर्मचाऱ्यांची संख्या १० हजार २०२ असून त्याना मतदारांना टपाली मतपत्रिकेद्वारे मतदान करता येणार आहे. अनेक अर्जात त्रृटी काढण्यात आल्याचे कर्मचाऱ्यांचे म्हणणे आहे. मतदान कर्तव्यावर नियुक्त १ हजार ९९३ कर्मचाऱ्यांची नोंदणी राज्यातील इतर मतदारसंघात आहेत. अशा मतदारांच्या मतपत्रिका देखील विभागस्तरीय व राज्यस्तरीय केंद्रातून प्राप्त झाल्या असून. संबंधित निवडणूक निर्णय अधिकारी यांच्या मतदान सुविधा केंद्रांकडे पाठविण्यात आल्या आहेत. एकूण १० हजार २०२ मतदारांपैकी ५ हजार ७७४ मतदारांनी १६ नोव्हेंबरअखेर आपला मतदानाचा बजावला. उर्वरित निवडणूक कर्तव्यावर नियुक्त कर्मचा-यांनी निवडणूक निर्णय अधिकारी यांच्या स्तरावरील सुविधा केंद्रात जाऊन मतदान करावे, असे आवाहन जिल्हा निवडणूक अधिकाऱ्यांकडून करण्यात आले आहे. हे सुविधा केंद्र १९ नोव्हेंबरपर्यंत कार्यान्वित असेल. असे आहेत कर्मचारी मतदान कर्तव्यावर एकूण १० हजार ७०६ कर्मचारी आहेत. यात असणारे ८ हजार ४३६ मतदान कर्मचारी, २ हजार २७० पोलीस, होमगार्ड कर्मचाऱ्यांचा समावेश आहे. त्यांना टपाली मतदान करणे शक्य व्हावे, यासाठी नमुना १२ वितरित करण्यात आला होता. सर्व निवडणूक निर्णय अधिकारी यांच्या स्तरावर मतदान सुविधा केंद्रात या सर्व मतदान कर्तव्यावरील कर्मचा-यांचे मतदान नोंदवण्याची प्रक्रिया सुरू आहे, अशी माहिती टपाली मतपत्रिका नोडल अधिकारी विजय पाटील यांनी दिली.