जैस्वालचा ऑस्ट्रेलियावर ‘यशस्वी’ प्रहार! केली विक्रमी धावांची आतषबाजी

पुढारी ऑनलाईन डेस्क : Yashasvi Jaiswal Century : भारताचा स्टार सलामीवीर फलंदाज यशस्वी जैस्वालने आपल्या बॅटचे मौन भंग करत ऑस्ट्रेलियावर जोरदार प्रहार केला आहे. पर्थच्या ऑप्टस स्टेडियमवर सुरू असलेल्या पहिल्या कसोटी सामन्याच्या तिसऱ्या दिवशी भारताच्या या युवा फलंदाजाने धावांची आतषबाजी केली. यासह जैस्वालने आपल्या कसोटी कारकिर्दीतील चौथे शतक झळकाले. ज्यामुळे पर्थ कसोटीत भारतीय संघ मजबूत स्थितीत पोहचला. जैस्वालने 49.27 च्या स्ट्राईक रेटने फलंदाजी करत 8 चौकार आणि 3 षटकार ठोकत शतक पूर्ण केले.