टीम साऊदीची कसोटीतून निवृत्ती

न्यूझीलंडचा वेगवान गोलंदाज टीम साऊदीने शुक्रवारी कसोटी क्रिकेटमधून निवृत्त होत असल्याची घोषणा केली. डिसेंबरमध्ये इंग्लंडविरुद्ध हॅमिल्टनमधील सेडन पार्क येथे आपल्या घरच्या मैदानावर साऊदी कसोटी कारकीर्दीची सांगता करणार आहे. 770 आंतरराष्ट्रीय बळी टिपणाऱ्या साऊदीने न्यूझीलंडचा संघ जागतिक कसोटी अजिंक्यपद स्पर्धेच्या शर्यतीत असेपर्यंत आपण संघासाठी उपलब्ध असू, असेही स्पष्ट केले आहे. साऊदीने 18 वर्षांच्या आंतरराष्ट्रीय कारकीर्दीत 391 आंतरराष्ट्रीय सामने आणि असंख्य राष्ट्रीय आणि आंतरराष्ट्रीय विक्रम केले आहेत. त्याने 104 कसोटीत 385 बळी, 161 वन डेत 221 बळी, तर 126 टी-20 क्रिकेटमध्ये 164 बळी टिपण्याचा पराक्रम केलेला आहे. कसोटीत तीनशेहून अधिक, वन डेत दोनशेहून अधिक आणि टी-20त शंभरहून अधिक आंतरराष्ट्रीय बळी टिपणारा टीम साऊदी हा एकमेक गोलंदाज आहे.