ठाकरेंनी वर्षा बंगला सोडला तेव्हा तिथे टोपलीभर लिंब सापडले:रामदास कदमांची ठाकरेंवर टीका, वडेट्टीवारांचाही ठाकरेंवर निशाणा

उद्धव ठाकरे यांनी वर्षा बंगला सोडला तेव्हा बंगल्यावर टोपलीभर लिंबू सापडले होते, तसे एकनाथ शिंदे यांनीच मला सांगितले होते, असे म्हणत शिवसेना नेते रामदास कदम यांनी उद्धव ठाकरेंवर टीका केली होती. दरम्यान रामदास कदम पुढे बोलताना म्हणाले की, देवेंद्र फडणवीस वर्षा बंगल्यावर का जात नाही, याचे उत्तर काळ्या जादूवल्याने द्यावे, माझ्या नादाला लागू नका. उद्धव ठाकरे बुके घेऊन फडणवीस यांना भेटायला जातात. आणि दुसऱ्या बाजूला अमित शहा यांना अफजल खान म्हणतात. देवेंद्र फडणवीस आणि शिंदे यांच्यात मतभेद कसे निर्माण होतील हा त्यांचा हेतू आहेत. रामदास कदम म्हणाले, उदय सामंत चांगले काम करत आहेत. माझ्या लहान भावासारखे आहेत. एकनाथ शिंदेंच्या भावासारखे आहेत. शिंदेंच्या पाठी खंबीर आहेत. एकनाथ शिंदेंचा विश्वासू सहकारी म्हणून उदय सामंत यांचे नाव घेतले जाते. त्यामुळे उदय सामंत आणि एकनाथ शिंदे यांच्या नात्यात मीठ टाकण्याचा प्रयत्न होत आहे. त्याला आम्ही भीक घालत नाही. संजय राऊतांचे वक्तव्य काय? संजय राऊत म्हणाले की, रामदास कदम हे स्वामी रामदास नाहीये, की त्यांचे तुम्ही ऐकांवे. मुळात काळ्या जादू विषयी कुणी बोलावे. ही अंघश्रद्धा आहे. माझा फक्त एकच प्रश्न होता की देवेंद्र फडणवीस वर्षावर राहायला का जात नाही? याचे उत्तर रामदास कदम, एकनाथ शिंदे किंवा भाजप प्रवक्त्यांनी दिले पाहिजे. हा चिंतेचा विषय संजय राऊत म्हणाले की, वर्षा बंगल्यावर जाण्यासाठी देवेंद्र फडणवीस का घाबरत आहेत. मी काही म्हटलो का तिथे मिरच्या लिंब आहेत. हा चिंतेचा विषय आहे. नेमके वडेट्टीवारांचे वक्तव्य काय? विजय वडेट्टीवार म्हणाले की, हे सर्वच लोकं काळ्या जादू वाले असतील. त्यांना एकमेकांचे माहिती असेल. हे सर्व यापूर्वी सोबत होते, त्यामुळे रामदास कदम एकनाथ शिंदे असो की उद्धव ठाकरे हे सगळे शिवसेनेचे मोठे नेते राहिले आहे. त्यामुळे या सर्वांनाच काळी जादू आणि पाढंरी जादूचा अनुभव असल्याचे माझे मत आहे. रामदास कदम, एकनाथ शिंदे, उद्धव ठाकरे सोबत राहिले, हे सर्वच लोकं काळ्या जादू वाले असतील. या सर्वांनाच काळी जादू आणि पाढंरी जादूचा अनुभव असल्याचे माझे मत आहे असे म्हणत काँग्रेस नेते विजय वडेट्टीवार यांनी शिंदे गटासह ठाकरेंवरही टीका केली आहे.