डॉ. एच. एन. सिन्हा महाविद्यालयाची म. गांधी यांना अनोखी आदरांजली:विद्यार्थ्यांनी केले गांधीतीर्थ आंतरराष्ट्रीय संग्रहालयाचे निरीक्षण

डॉ. एच एन सिन्हा कला व वाणिज्य महाविद्यालय, इतिहास व राज्यशास्त्र विभागाच्या संयुक्त विद्यमाने महाविद्यालयाची शैक्षणिक सहल जळगाव (खान्देश) येथे गेली होती. आंतरराष्ट्रीय संग्रहालय गांधीतीर्थ बघण्यासाठी सहल काढण्यात आली. शैक्षणिक सहल महाविद्यालयाचे प्राचार्य डॉ. किरण एस खंडारे यांच्या मार्गदर्शनाखाली काढण्यात आली. यात इतिहास विभाग प्रमुख डॉ. व्हि.जी वसु, राज्यशास्त्र विभाग प्रमुख डॉ. दिपाली घोगरे, डॉ.संजय खांदेल,प्रा. हर्षद एकबोटे, प्रा. अरविंद भोंगळे, डॉ. सुशील कुमार वानखेडे, प्रा. उज्वला मनवर, प्रा. गौरी वांडे यांच्यासह ४२ विद्यार्थी-विद्यार्थ िनी सहभागी ‌झाल्या. या शैक्षणिक सहलीचा उद्देश विद्यार्थ्यांना महात्मा गांधी यांच्या जीवन कार्याचा विस्तृत अभ्यास व्हावा हा होता. जळगाव मधील गांधीतीर्थ हे स्थळ प्रसिद्ध भारतीय उद्योगपती आणि समाजसेवक स्व. भवरलालजी जैन यांच्या संकल्पनेतून गांधी रिसर्च फाउंडेशन संस्थेच्या माध्यमातून साकारल्या गेले आहे. हे ठिकाण म्हणजे विवेक- विज्ञान, आध्यात्मिकतेचे व गांधीवादी विचारांचे जागतिक स्तरावरील जणू खुले विद्यापीठाच आहे. जैन टेकडीवरील गांधीतीर्थ नावाची वास्तू निसर्गरम्य वातावरणात विविध लता वृक्षांनी नटलेली असून पर्यावरणाचा समतोल साधत प्राणवायू पूरक आनंददायी व आल्हाददायी आहे. संग्रहालय बघताना ऑडिओ क्लिप, व्हिडिओ क्लिप, चित्र, ग्रंथसंपदा इत्यादीच्या माध्यमातून महात्मा गांधींचे बालपणापासून ते भारतीय स्वतंत्रताप्राप्ति पर्यंतच्या योगदानाचे प्रत्यक्ष जीवनदर्शन घडते. गांधी स्मृतिदिना निमित्त त्याच दिवशी गांधीतीर्थावर ५ वाजून १७ मिनिटांनी महात्मा गांधींना आदरांजली अर्पण करण्यात आली.