तेरा तीर्थक्षेत्रांना “क’ दर्जा; धार्मिक पर्यटनात होणार वाढ:नियोजन समिती बैठकीत निर्णय, संगमनेर, पारनेर, कोपरगाव, राहात्यातील तीर्थक्षेत्राचा समावेश

अहिल्यानगर जिल्ह्यातील १३ तीर्थक्षेत्रांना “क’ वर्ग तीर्थक्षेत्राचा दर्जा देण्यात आला. जिल्हा नियोजन समितीच्या बैठकीत घेण्यात आलेल्या या निर्णयामुळे संगमनेर, पारनेर, कोपरगाव, राहाता तालुक्यातील तीर्थस्थळे धार्मिक दृष्ट्या विकसित होणार आहेत. जिल्हा नियोजन समितीच्या बैठकीत जिल्ह्यातील ग्रामीण आणि एक नागरी तीर्थक्षेत्रांना 'क' वर्ग तीर्थक्षेत्राचा दर्जा देण्यात आला. श्री दत्त महाराज देवस्थान चैतन्य कानिफ़नाथ (शिप्रागिरी महाराज समाधी) देवस्थान ट्रस्ट, निळवंडे ता. संगमनेर, श्री क्षेत्र भैरवनाथ देवस्थान, पुणेवाडी, ता. पारनेर, श्री सिद्धेश्वर महादेव मंदिर देवस्थान, गळनिंब, ता. श्रीरामपूर, श्री सद्गुरू धर्मराज देव मंदिर, तांदळी वडगाव, ता. नगर, श्री चैतन्य कानिफनाथ महाराज देवस्थान मांचीहिल, आश्वी बु., ता. संगमनेर, श्री महालक्ष्मी, मारुती मंदिर देवस्थान, टाकळी, ता. अकोले, श्री विठ्ठल देवस्थान ट्रष्ट, मेहेंदुरी, ता. अकोले, श्री महादेव मंदिर देवस्थान, डाऊच खुर्द ता. कोपरगाव, श्री महादेव मंदिर देवस्थान, सडे, ता. कोपरगाव, श्री राजा विरभद्र देवस्थान, भोजडे ता. कोपरगाव या ग्रामीण भागातील, तर श्री विरभद्र देवस्थान, श्री नवनाथ महाराज मंदिर इ. देवस्थान राहाता शहर, ता. राहाता, श्री जगदंबा माता मंदिर अस्तगाव, ता.राहता, श्री सिद्धेश्वर महादेव मंदिर देवस्थान गळनिंब ता.श्रीरामपूर, श्री भैरवनाथ देवस्थान मिरजगाव कर्जत या शहरी तीर्थक्षेत्राचा यात समावेश आहे. तीर्थक्षेत्रांना क वर्ग दर्जा मिळाल्यामुळे भविष्यात ही तीर्थस्थळे विकसित होणार असून येथे सभामंडप, रस्ते,पिण्याचे पाणी या सुविधा उपलब्ध होणार आहे. त्यामुळे भाविकांचा ओघ वाढणार आहे. १०० शाळा खोली बांधकामास मंजुरी यंदा आर्थिक वर्षात जिल्हा नियोजन समितीच्या माध्यमातून २९७ नविन शाळा खोली बांधकामास मंजुरी देण्यात आलेली असून, १०० शाळा खोली बांधकामास मंजुरी देण्यात येत आहे. जिल्हा नियोजन समितीच्या माध्यमातुन विद्युत पुरवठा सुरळीत होण्यासाठी लोकप्रतिनिधींच्या मागणीनुसार शेतीकरीता नवीन विद्युत रोहित्रे बसविणे, सिंगल फेज रोहित्रे बसवणे, धोकादायक विद्युत वाहिनींचे स्थलांतरण करणे आदी कामासाठी ४० कोटी ४८ लाख रुपयांची मंजुरी देण्यात आली आहे.