देशद्रोह आणि देशाविरुद्ध कट रचल्याचा आरोप… प्रसिद्ध अभिनेत्रीला ‘या’ देशातून अटक

बांग्लादेशची प्रसिद्ध अभिनेत्री मेहर अफरोज शॉन हिला देशाविरुद्ध कट रचल्याच्या आरोपात अटक केली आहे. त्यामुळे अभिनेत्रीच्या अडचणीत वाढ होऊ शकते. बांगलादेशची राजधानी ढाका येथील धानमंडी परिसरातून मेहर हिला अटक करण्यात आली आहे. तिच्यावर देशद्रोहाचा आणि देशाविरुद्ध कट रचल्याचा आरोप आहे. सध्या सर्वत्र फक्त आणि फक्त अभिनेत्रीची चर्चा रंगली आहे.

मिळालेल्या माहितीनुसार, अभिनेत्रीला गुरुवारी रात्री अटक करण्यात आली आहे अतिरिक्त पोलीस आयुक्त रजाउल करीम मलिक यांनी सांगितल्यानुसार, मेहर अफरोज शॉन देशाविरुद्धच्या कटात सहभागी होती. मात्र, या प्रकरणाबाबत अद्याप फारशी माहिती समोर आलेली नाही.

शुक्रवारी पोलिस मेहर हिला कोर्टात हजर करून रिमांडची मागणी करू शकतात. जेणेकरून पोलिसांना याप्रकरणी अधिक चौकशी करता येईल. मेहर अफरोज शॉन हिच्याबद्दल सांगायचं झालं तर, मेहर बांग्लादेशची प्रसिद्ध अभिनेत्री असून गायक, डान्सर आणि दिग्दर्शिका देखील आहे. तिला लहापणीच अभिनय क्षेत्रात पदार्पण केलं आहे. त्यानंतर मेहर हिने अनेक मालिका आणि सिनेमांमध्ये देखील काम केलं आहे.

गेल्या 37 वर्षांपासून मेहर बांग्लादेशी सिनेविश्वात सक्रिय आहे. 1998 साली प्रसारित झालेल्या ‘स्वधिनोता’ चा मालिकेतून अभिनेत्री करीयरला सुरुवात केली. ज्यामध्ये मेहर बालकलाकार म्हणून झळकली होती. तिने अमर् अचे जोल् (2008), श्यामोल छाया (2004), चंद्रकोथा (2003), आज रोबीबार (1996) यांसारख्या मालिका आणि शोमध्ये काम केलं आहे.

वादाच्या भावऱ्यात मेहर

आता देशाविरुद्ध कट रचल्याच्या आरोपावरून मेहर अफरोज शॉनचं हिच्या अडचणीत वाढ झाली आहे. पोलिसांच्या चौकशीत काही माहिती बाहेर येते का, हे पाहाणं आता महत्त्वाचं ठरणार आहे. तिच्या वैयक्तिक आयुष्याबद्दल सांगायचं झालं तर तिने लेखक-दिग्दर्शक हुमायून अहमदसोबत लग्न केलं आहे.

मेहर हिला राष्ट्रीय पुरस्कारही मिळाला आहे. 2016 मध्ये Krishnopokkho नावाचा सिनेमा प्रदर्शित झाला होता. या सिनेमासाठी तिला सर्वोत्कृष्ट पार्श्वगायिका श्रेणीत राष्ट्रीय पुरस्कारही मिळाला होता. राष्ट्रीय पुरस्कार मिळाल्यानंतर मेहर तुफान चर्चेत आली होती. तिच्या चाहत्यांची संख्या देखील वाढली.