पंढरीच्या दारात विठ्ठलाची वरात; महिलांनी धरला फेर:टाळ-मृदंगावर वारकरी तल्लीन, श्री विठ्ठल-रुक्मिणी विवाहानंतर निघालेल्या शोभा यात्रेला ढोलपथकांचे सादरीकरण‎

पंढरीत श्री विठ्ठल-रुक्मिणीचा विवाह सोहळा दुपारी १२ वाजता अक्षता सोहळा पार पडला. त्यानंतर जेवणावळीसाठी पंगती उठल्या. भक्तासंाठी सुग्रास भोजनाची सोय लग्न समारंभात केली होती. सायंकाळी फुलांनी सजवलेल्या रथामध्ये प्रदक्षिणा मार्गावरून श्री विठ्ठल-रुक्मिणीची वरात निघाली. वरातीपुढे वारकऱ्यांनी टाळ-मृदंगावर ठेका धराला होता. ढोल पथकांचे सादरीकरण होत होते. ठीकठिकाणी रथावर पुष्पवृष्टी होत होती. वसंत पंचमीच्या शुभ मुहूर्तावर रविवार (दि. २) श्री विठ्ठल व श्री रुक्मिणी मातेचा अभूतपूर्व विवाह सोहळा संपन्न झाला. संपूर्ण सभा मंडप भरल्यानंतर पश्चिम द्वार, महाद्वार, संत तुकाराम भवन आणि उत्तर बाजूने हजारो वऱ्हाडींचा विठ्ठल मंदिरास गराडा पडला होता. विवाह सोहळा संपन्न होताच आनंदित झालेल्या महिला भाविकांनी फुगड्यांचे फेर धरले. दिवसभर पंचपक्वानांच्या पंगती उठल्यानंतर सायंकाळी भव्य शोभायात्रा काढली. एकूणच श्री विठ्ठल रुक्मिणीचा शाही विवाह सोहळा संपन्न झाला. मंदिराच्या सभोवती फुले आणि अक्षतांचा सडा विवाहानिमित्त उधळण करण्यासाठी मोठ्या प्रमाणात अक्षता आणि फुलांचे वाटप करण्यात आले होते. विवाह संपन्न होत असताना भाविकांकडून अक्षता उधळली जात होती. त्यामुळं मंदिराभोवती अक्षता अन् फुलांचा सडा पडल्याचे दिसून आले. महाद्वार, चौफाळा आणि मंदिर सभोवती व्यापाऱ्यांनी आपापल्या दुकानासमोर रांगोळी काढून विवाह सोहळ्यासाठी येणाऱ्या भाविकांचे अनोखे स्वागत केले. महाद्वारात संत नामदेव महाराज समाधी स्थळ, पश्चिम द्वारात एक अशा एलसीडी बसवून सभा मंडपातील विवाह सोहळ्याचे बाहेर थेट प्रसारण करण्यात आले होते. सायंकाळी काढण्यात आलेल्या देवाच्या मिरवणुकीवेळी पंढरपुरात रांगोळीच्या पायघड्या घातल्या होत्या. अक्षतांची उधळण, मुक्त हस्ते फुलांचा सडा वऱ्हाडी भक्त मंडळींना स्वादिष्ट भोजनाचा प्रसादाने वऱ्हाडी तृप्त मंदिर समितीमार्फत संत तुकाराम भवन येथे दुपारी १२ ते सायंकाळी ७ वाजेपर्यंत गुलाब जामून, बालुशाही, गोड बुंदी, शिरा, वांग्याची भाजी, पुलाव, डिस्कोवडा, पापड, जिलेबी इत्यादी पदार्थ. सिलबंद बॉटलमध्ये मिनरल पाणी अशी पंच पक्वान्न भोजनाची व्यवस्था भाविकांसाठी करण्यात आली होती. विवाह सोहळा पार पडल्यानंतर मोठ्या प्रमाणात भाविकांनी या प्रसादाचा लाभ घेतला. महाद्वार, चौफाळ्यात वरातीअगोदर देवासाठी रांगोळीच्या पायघड्या