पदवी परीक्षेत नापास झाल्याने सटकली! विद्यार्थ्याच्या चाकू हल्ल्यात 8 जण ठार

2 hours ago 1

Published on

16 Nov 2024, 6:01 pm

Updated on

16 Nov 2024, 6:01 pm

पुढारी ऑनलाईन डेस्क : चीनच्या पूर्वेकडील यिक्सिंग शहरात शनिवारी एका 21 वर्षीय विद्यार्थ्याने कॉलेज कॅम्पसमध्ये जमावावर चाकूने हल्ला केला. यात 8 जणांचा मृत्यू झाला असून 17 जण जखमी झाले आहेत. वूशी व्होकेशनल इन्स्टिट्यूट ऑफ आर्ट्स अँड टेक्नॉलॉजी येथे शनिवारी सायंकाळी साडेसहा वाजता ही घटना घडली. हल्लेखोराला अटक करण्यात आल्याचे पोलिसांनी सांगितले.

पोलिसांच्या माहितीनुसार, हल्लेखोर विद्यार्थी पदवी परीक्षेत नापास झाला आहे. ज्यामुळे त्याची मानसिक अवस्था बिघडली होती. परीक्षेतील अपयश, तसेच पदवी न मिळाल्याने आणि इंटर्नशिपसाठी कमी पगार मिळाल्याने तो नाराज होता. संतप्त अवस्थेत त्याने वूशी व्होकेशनल इन्स्टिट्यूट ऑफ आर्ट्स अँड टेक्नॉलॉजीमधील अनेकांना लक्ष्य केले. त्यांच्यावर चाकू हल्ला करून मनुष्यहानी केली. या प्रकरणाचा तपास सुरू आहे.

या हल्ल्यात 17 हून अधिक जण जखमी झाले आहेत. जखमींमध्ये अनेकांची प्रकृती गंभीर आहे. त्यांच्यावर उपचार सुरू आहेत. मात्र, मृतांच्या संख्येत वाढ होण्याची शक्यता असल्याची भीती देखील पोलिसांनी व्यक्त केली आहे.

काही दिवसांपूर्वी एका कार चालकाने आपले वाहन क्रीडा केंद्रात घुसवले होते. त्या हिट अँड रन प्रकरणातही 35 जणांचा मृत्यू झाला होता तर 43 जण जखमी झाले होते.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article