पूर्णा नदीत सैनिकाचा बुडून मृत्यू:सिक्किममधून सुटीवर आलेल्या 35 वर्षीय टेक्निशियनचा आंघोळीदरम्यान अपघात

2 hours ago 2

दर्यापूर येवदा (अमरावती) येथील एका दुःखद घटनेत सिक्किम येथे कार्यरत असलेल्या सैनिकाचा पूर्णा नदीत बुडून मृत्यू झाला. गोपाल रामदास वानखडे (वय ३५, रा. सासन) असे मृत सैनिकाचे नाव असून, ते सैन्यदलात टेक्निशियन म्हणून कार्यरत होते. शनिवारी (८ फेब्रुवारी) सायंकाळी ही दुर्दैवी घटना घडली. गोपाल हे सुटीवर गावी आले असताना त्यांचे मित्र विकास नागोराव सोनोने आणि विकी गौतम सोनोने यांच्यासोबत म्हैसांग येथे गेले होते. परतीच्या प्रवासात रामतीर्थ परिसरातील पूर्णा नदीवर आंघोळीसाठी गोपाल आणि विकास नदीपात्रात उतरले. मात्र पाण्याची खोली जास्त असल्याने गोपाल पाण्यात बुडाले. विकास मात्र कसाबसा बाहेर येण्यात यशस्वी झाला. घटनेनंतर स्थानिक पोहणारे तरुण आणि ग्रामस्थांनी गोपाल यांचा शोध घेण्याचा प्रयत्न केला. मात्र अंधार झाल्याने शोधकार्य यशस्वी झाले नाही. तहसीलदार रवींद्र कानडजे यांनी दिलेल्या माहितीनुसार, रविवारी सकाळी जिल्हा आपत्ती व्यवस्थापन पथक घटनास्थळी पोहोचून शोधमोहीम पुन्हा सुरू करणार आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article