बछडा दिसताच मुळे कुटुंबीयांनी तातडीने वन विभागाला कळवले. त्यानुसार वनपाल अनिता होले यांच्या मार्गदर्शनाखाली वनरक्षक ज्ञानेश्वर पवार, आपदा मित्र सुशांत भुजबळ, रेस्क्यू टीम सदस्य आदित्य डेरे, सुशील ढवळे, स्वप्निल पाटे, सुशांत भुजबळ, मांजरवाडीचे पोलिस पाटील सचिन टाव्हरे, रामकृष्ण चोपडा, तुषार टेके, डॉ. महेंद्र ढोरे, शिवाजी थोरात, संतोष मुळे, मोहन मुळे, सुयोग भापकर आदी ग्रामस्थ तेथे दाखल झाले.
बछड्याला रेस्क्यू करत असताना बाजूच्या ज्वारीच्या शेतामध्ये असणारी त्याची आई मादी बिबट्या गुरगुर करत जवळ येत असल्याचे वनरक्षक ज्ञानेश्वर पवार यांना दिसले. त्यांनी प्रसंगावधान राखत ताबडतोब रेस्क्यू टीमला सावध केले. तो बछडा न पकडता त्याला संरक्षक भिंतीच्या बाहेर त्याच्या आईच्या दिशेने सोडून दिले. त्यानंतर तो आईच्या कुशीत विसावला. काही वेळाने दोघेही तेथून निघून गेले.