बाळापूरच्या विकासासाठी सिरस्कारांच्या पाठीशी राहा:राष्ट्रवादी अजित पवार गटाचे जिल्हा समन्वयक संदीप पाटील

बाळापूर मतदार संघाचा सर्वांगीण विकास करण्यासाठी महायुतीचे उमेदवार बळीराम सिरस्कार यांच्या पाठीशी खंबीरपणे उभे राहावे,’ असे आवाहन राष्ट्रवादी काँग्रेस अजित पवार गटाचे जिल्हा समन्वयक संदीप पाटील यांनी केले. बळीराम सिरस्कार यांच्या प्रचारार्थ मतदारसंघातील बाखराबाद, रसुलाबाद, बादलापूर, कंचनपूर, अमानतपूर (ताकोडा), टाकळी, खडकी टाकळी, भोड, सांगवी मोहाडी, उगवा, सुकोडा फाटा, पाचमोरी, कानडी, सुकोडा, दुगीनगर, शिलोडा आदी गावांत प्रचार दौरा झाला. या प्रचार दौऱ्यात महायुतीचे उमेदवार बळीराम सिरस्कार यांनी मतदारांशी संवाद साधला. या वेळी त्यांच्या समवेत शिंदेसेना उपजिल्हाप्रमुख उमेशआप्पा भुसारी, भाजपने जिल्हा उपाध्यक्ष शामराव शेलार, आगर सर्कल प्रमुख किशोर महाराज खोले, अमोल साबळे, श्रीकृष्ण मोरखडे, देवेंद्र देवर, अंबादाम शेंगे, राजेश्वर तैगले, योगेश पटोकार, अनिल शिंदे, किशोर कुचके, गणेश तायडे, विपुल घोगरे आदी पदाधिकारी व कार्यकर्ते उपस्थित होते. महायुतीला बळकट करूया- मनीषा कायंदे बाळापूर मतदारसंघांच्या विकासाच्या दृष्टीने महायुती हा सर्वात महत्त्वाचा पर्याय असून बळीराम सिरस्कार यांच्या माध्यमातून मतदार संघाचा चेहरा मोहरा बदलणार असल्याचा विश्वास व्यक्त करीत महायुतीला बळकट करण्याचे आवाहन विधान परिषद सदस्य मनीषा कायंदे यांनी व्यक्त केले. संवाद दौऱ्यामध्ये भाजप नेत्या सुहासिनी धोत्रे, महिला आघाडी प्रमुख, शिवसेना उषाताई विरक, पक्षाच्या पदाधिकारी उपस्थित होत्या.