ब्रेक फेल झालेल्या टेम्पाेची बसला धडक:बस पलटी हाेऊन 9 जण जखमी, तिघांची प्रकृती गंभीरए पुणे-मुंबई द्रुतगती मार्गावर अपघात

4 hours ago 1

पुणे ते मुंबई दरम्यानच्या द्रुतगती महामार्गावर आज तीन वाजता खंडाळा घाट व खाेपाेली दरम्यानच्या परिसरात काेंबडी वाहतूक करणाऱ्या एका टेम्पाेचा ब्रेक फेल झाल्याने चालकाने पुढे जाणाऱ्या बसला पाठीमागून भरधाव वेगात धडक दिली. त्यामुळे प्रवासी बस रस्त्याच्या कडेला 20 फूट खड्डयात पलटी हाेऊन एकूण नऊजण जखमी झाले असून त्यातील तीन जणांची प्रकृती गंभीर आहे. महामार्ग पोलिसांनी दिलेल्या माहितीनुसार, या घटनेत शाहीद माेहम्मद, इरफान अयुब खान व कैफ शेख माेहम्मद इनामदार हे टेम्पाे मधील प्रवासी गंभीर जखमी झाले आहे. तर बस मधील चालक एम रविंद्रन (वय-42), भाऊसाहेब जगन्नाथ कदम (42), इंद्रजीत काशीद (9), स्मिता माने (45), आक्काताई मधुकर काशीद (55) व सुभाष काशीद (42,रा.जवळा, लाेणवीरे, ता.सांगाेला, साेलापूर) हे किरकाेळ जखमी झाले आहे. सदर जखमींना एमजीएम रुग्णालय कामठे याठिकाणी उपचारासाठी दाखल करण्यात आले आहे. गुरुवारी पहाटे तीन वाजण्याच्या सुमारास सांगली ते मुंबई खाजगी बस (एमएच 03 सीव्ही 5853) या बस मधून 11 प्रवासी मुंबईच्या दिशेने जात हाेते. खंडाळा ते खाेपाेली परिसरातून बस जात असताना पाठीमागून एक काेंबडी वाहतूक करणारा टेम्पाे (एमएच 14 एचयु 1069) याचा ब्रेक फेल झाल्याने सदर बसला टेम्पाे पाठीमागून धडकला. त्यानंतर संबंधित बस महामार्ग रस्ता साेडून बाजूस 20 फूट खड्डयात पडून पलटी झाली. यावेळी संबंधित बसमधील चालकासहित 11 प्रवासी हाेते. अपघाताची माहिती मिळताच आयआरबीचे देवदूत पथक, खाेपाेलीचे अपघात पथक, एचएसपी व खाेपाेली पाेलिस स्टेशनच्या यंत्रणेने घटनास्थळी धाव घेत बचावकार्य करुन प्रवाशांना सुखरुपपणे वाहनातून बाहेर काढले. त्यांना किरकाेळ स्वरुपाच्या दुखापती झाल्याने सुरुवातीला खाेपाेली नगरपालिका रुग्णालयात उपचार करुन त्यानंतर एमजीएम रुग्णालय कामठे येथे उपचारासाठी दाखल करण्यात आले असून त्यांची प्रकृती स्थिर आहे. तर गंभीर जखमी झालेल्या काेंबडी वाहतूक करणाऱ्या टेम्पाेतील तीनजणांना एमजीएम हाॅस्पीटल मध्ये अतिदक्षता विभागात दाखल करण्यात आले. अपघातग्रस्त बस संपूर्ण तपासणी करुन अंधार असल्याने पहाटे न काढता सकाळच्या वेळी क्रेनच्या सहाय्याने बाहेर काढण्यात आली आहे. या अपघातामुळे महामार्गावरील वाहतूकीस काेणत्याही प्रकारचा अडथळा निर्माण झाला नाही अशी माहिती खाेपाेली पोलिसांनी दिली आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article