भंडारा : रेल्वेच्या धडकेत वाघिण जखमी

भंडारा: रेल्वे रुळ ओलांडताना रेल्वेच्या धडकेत वाघीण जखमी झाली. ही घटना आज, शुक्रवारी तुमसर-तिरोडी रेल्वेमार्गावरील गोबरवाही येथे घडली. तुमसर रोडवरून मध्यप्रदेशकडे जाणाऱ्या पॅसेंजर ट्रेनची धडक बसून ही वाघीण गंभीर जखमी झाली. टेकडीच्या वळणावर ही घटना घडली.

या अपघातात वाघीणीची शेपूट तुटली आहे. अपघाताची माहिती मिळताच प्रभारी वनपरिक्षेत्र अधिकारी अपेक्षा शेंडे घटनास्थळी पोहोचल्या. भंडारा विभागीय वरिष्ठ वन अधिकारी, गोबरवाही पोलिस, रेल्वे अधिकाऱ्यांनी बचावकार्य सुरू करुन वाघीणीला रेस्क्यू केले. या वाघीणीला पुढील उपचारासाठी नागपूर गोरेवाडा येथे पाठविण्यात आले.