Published on
:
08 Oct 2024, 10:26 am
Updated on
:
08 Oct 2024, 10:26 am
पुढारी ऑनलाईन डेस्क : शेअर बाजारातील गेल्या सहा सत्रांतील घसरणीला आज मंगळवारी ब्रेक लागला. मध्य-पूर्वेतील संघर्षाची चिंता असूनही भारतीय शेअर बाजारात (Stock Market) मंगळवारी (दि.८) रिकव्हरी दिसून आली. विशेषत: विधानसभा निवडणुकीच्या निकालांचा बाजारावर सकारात्मक परिणाम दिसून आला. हरियाणात भाजपने तिसऱ्यांदा यश मिळवत हॅट्ट्रिक केली. या पार्श्वभूमीवर सेन्सेक्सने आजच्या सत्रात ७०० अंकांपर्यंत वाढ नोंदवली. तर निफ्टीने पुन्हा २५ हजारांची पातळी गाठली. त्यानंतर सेन्सेक्स ५८४ अंकांच्या वाढीसह ८१,६३४ वर बंद झाला. तर निफ्टी २१७ अंकांनी वाढून २५,०१३ वर स्थिरावला.
BSE midcap, स्मॉलकॅप वाढून बंद
क्षेत्रीय आघाडीवर मेटल निर्देशांक वगळता इतर सर्व ऑटो, बँक, हेल्थकेअर, रियल्टी, कॅपिटल गुड्स, पॉवर, टेलिकॉम, मीडिया १-२ टक्क्यांनी वाढले. बीएसई मिडकॅप १.८ टक्के आणि स्मॉलकॅप २.४ टक्के वाढून बंद झाला.
अदानी कंपन्यांचे शेअर्स तेजीत
अदानी समुहातील कंपन्यांच्या शेअर्समध्ये आज वाढ झाली. सेन्सेक्सवर अदानी पोर्ट्सचा शेअर्स ५ टक्क्यांनी वाढून टॉप गेनर ठरला. त्याचबरोबर एम अँड एम, रिलायन्स, एचडीएफसी बँक, एलटी, एनटीपीसी, एसबीआय, अल्ट्राटेक सिमेंट, कोटक बँक, एशियन पेंट्स, ॲक्सिस बँक हे शेअर्स १ ते ३ टक्क्यांपर्यंत वाढले. तर टाटा स्टील, टायटन, बजाज फिनसर्व्ह, जेएसडब्ल्यू स्टील या शेअर्समध्ये घसरण झाली. निफ्टीवर अदानी एंटरप्रायजेसचा शेअर्स ४.९ टक्क्यांनी वाढला.
हरियाणा निवडणुकीत भाजपने हॅटट्रिक केली आहे. या पार्श्वभूमीवर सरकारशी संबंधित असलेल्या कंपन्यांचे शेअर्स आज वाढले. विशेषत : रेल्वे आणि संरक्षण क्षेत्रातील शेअर्समध्ये आजच्या सत्रात सर्वाधिक वाढ दिसून आली. आरव्हीएनएल आणि HUDCO हे पीएसयू शेअर्स प्रत्येकी ८ टक्क्यांनी वाढले.