'हरियाणातील भाजपचे यश महाराष्ट्रामध्ये टॉनिक ठरणार'

आज (मंगळवार) हरियाना आणि जम्मू-काश्‍मीर येथील विधानसभा निवडणुकीचे चित्र स्पष्ट झाल्यानंतर पणजी येथील भाजपा कार्यालयात आयोजित पत्रकार परिषदेत तानावडे बोलत होते. भाजपने कधीही जातीचे, धर्माचे राजकारण केले नाही. विकास हेच ध्येय ठेऊन भारतातील प्रत्येक नागरिकाचा विकास करण्याचा प्रयत्न केला आहे. काँग्रेसने मात्र नेहमीच जातीय राजकारण, मताचे राजकारण करून आणि अपप्रचार करून निवडणुका जिंकण्याचा प्रयत्न केला आहे. मात्र हरियाणातील जनता काँग्रेसच्या अपप्रचाराला भुलली नाही. त्यांनी भाजपला सलग तिसऱ्यांदा सत्ता दिली. महाराष्ट्रातही महाआघाडीचे नेते वेगवेगळ्या प्रकारे अपप्रचार करत आहेत, जातीचे, धर्माचे राजकारण करत आहेत. मात्र त्यांचे प्रयत्न महाराष्ट्रातील मतदार यशस्वी होऊ देणार नाहीत आणि महायुतीला पुन्हा एकदा सत्ता देतील असे तानावडे म्हणाले.

जम्मू-काश्मीरमध्ये भाजपला सत्ता मिळावी ईतके काम तेथे केंद्र सरकारने केले आहे. मात्र तेथील राजकारण हे वेगळे आहे. तेथे अद्यापही नागरिकांमध्ये तेथील स्थानिक पक्षांचा पगडा आहे. तेथे काँग्रेसला अवघ्या सहा जागा मिळालेल्‍या आहेत. तर भाजपला 29 जागा मिळालेल्या आहेत. मात्र काँग्रेस पराभूत होऊन लोकसभेमध्ये जसे 99 जागा मिळून विजय साजरा करत होता. तसाच आताही जम्मू-काश्मीर बाबत 6 जागा मिळवून आनंद व्यक्त करत आहे. काँग्रेसची स्थिती देशभरात चिंताजनक आहे. असे तानावडे म्हणाले.