भारत इंग्लंड टी20 मालिकेत सर्वांच्या नजरा आरसीबीच्या खेळाडूंकडे, का ते जाणून घ्या

3 hours ago 2

इंग्लंडविरुद्धच्या टी20 मालिकेसाठी भारतीय संघात एकही आरसीबीचा खेळाडू नाही. मात्र इंग्लंडच्या प्लेइंग इलेव्हनमध्ये आरसीबीचे तीन खेळाडू आहेत. त्यामुळे भारताविरुद्ध या तीन खेळाडूंची कामगिरी कशी असेल हे पाहणं औत्सुक्याचं ठरणार आहे.

Rakesh Thakur | Updated on: Jan 22, 2025 | 4:17 PM

भारत आणि इंग्लंड यांच्यात पाच सामन्यांची टी20 मालिका बुधवारपासून सुरु होणार आहे. कोलकात्यात होण्याऱ्या पहिल्या सामन्यासाठी इंग्लंडने प्लेइंग इलेव्हनची घोषणा केली आहे. या प्लेइंग 11 मध्ये तीन आरसीबीचे खेळाडू आहेत.

टीम इंडियाविरुद्धच्या पहिल्या टी20 सामन्यात फिल सॉल्ट इंग्लंडकडून यष्टिरक्षक फलंदाज म्हणून खेळणार आहे. फिल सॉल्टला आरसीबीने 11.50 कोटी रुपयांना खरेदी केले आहे. त्यामुळे फिल सॉल्ट कशी कामगिरी करेल याची आरसीबी चाहत्यांना उत्सुकता आहे.

इंग्लंडच्या लियाम लिव्हिंगस्टोनला आरसीबीने 8.75 कोटी रुपये देत संघात घातलं आहे. लियाम हा अष्टपैलू खेळाडू असून त्याची आतापर्यंतची कामगिरी जबरदस्त राहिली आहे. आता भारताविरुद्ध कशी कामगिरी करतो हे पाहणं औत्सुक्याचं ठरणार आहे.

आरसीबीने इंग्लंडचा युवा अष्टपैलू खेळाडू जेकब बेथेलला 2.60 कोटी रुपयांना विकत घेतले. 21 वर्षीय बेथेलही इंग्लंडच्या प्लेइंग इलेव्हनचा भाग आहे. त्यामुळे या युवा खेळाडूची कामगिरी कशी असेल याची उत्सुकता आरसीबीच्या चाहत्यांना लागली आहे.

बेन डकेट, फिलिप सॉल्ट (यष्टीरक्षक), जोस बटलर (कर्णधार), हॅरी ब्रूक, लियाम लिव्हिंगस्टोन, जेकब बेथेल, जेमी ओव्हरटन, गस ऍटकिन्सन, जोफ्रा आर्चर, आदिल रशीद, मार्क वुड.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article