मराठवाड्यातील तिघांनी मराठा आरक्षणासाठी संपवले जीवन‎:स्पर्धा परीक्षेची तयारी करणाऱ्या बदनापूरच्या तरुणीसह अन्य दोन जणांचा समावेश‎

मराठवाड्यात तीन जणांनी मराठा‎आरक्षणासाठी आत्महत्या केली.‎जालना जिल्ह्यातील बदनापूर येथील‎राणी नाईकवाडे या तरूणीने राहत्या‎घरी गळफास घेतला. ती पुण्यात‎खासगी कंपनीत नोकरी करून स्पर्धा‎परिक्षेची तयारी करत होती. मात्र,‎मराठा आरक्षण मिळत नसल्याने तिने‎नैराश्यातून टोकाचे पाऊल उचलले.‎तर सिल्लोड तालुक्यातील खुपटा‎येथील तरूणाने शेततळ्यात उडी‎घेतली. तर बीड जिल्ह्यातील‎जिरेवाडी येथील तरूणानेदेखील‎मराठा आरक्षणासाठी झाडाला‎गळफास घेऊन आत्महत्या केली.‎ अमोल व्यंकट ढेंगे(२५) असे आत्महत्या केलेल्या तरुणाचे नाव‎आहे. त्याने ३१ जानेवारी रोजी गावातीलच मोहन मोहिते यांच्या‎शेतातील लिंबाच्या झाडाला गळफास घेत आत्महत्या केली. मराठा‎समाजाला आरक्षण मिळावे यासाठी त्याने आत्महत्या केल्याचा दावा‎कुटुंबियांनी केला आहे. मृत अमोल मराठा आरक्षण चळवळीत‎सक्रीय होता. मनोज जरांगे यांच्या आंदोलनात त्याने सहभाग घेतला‎होता. त्यामुळे आरक्षण मिळावे यासाठी त्याने आत्महत्या केल्याचे‎कुटुंबियांचे म्हणणे आहे. या प्रकरणी बीड ग्रामीण पोलिस ठाण्यात‎दिलेल्या माहितीवरुन अकस्मात मृत्यूची नोंद करण्यात आली आहे.‎ ‎‘गरजवंत मराठा समाजाला आता तरी आरक्षण‎‎द्या, एक मराठा लाख मराठा’अशी सुसाइड नोट‎‎लिहून खुपटा (ता.सिल्लोड) येथील ३८ वर्षीय‎युवकाने शेततळ्यात उडी घेऊन आत्महत्या केली. शनिवार, १ रोजी‎मध्यरात्री १ वाजेच्या सुमारास ही घटना उघडकीस आली. समाधान‎रायभान काळे असे मृताचे नाव आहे.‎ जरांगे पाटील यांच्या मराठा आरक्षणाच्या आंदोलनात समाधान‎काळे सुरुवातीपासूनच सहभागी होते. शनिवारी मध्यरात्री ते अचानक‎घराबाहेर पडले अन् शेततळ्यात उडी घेतली. कुटुंबातील सदस्य व‎नातेवाइकांनी २० तास त्यांचा शोध घेतला. शनिवारी सायंकाळी‎शेततळ्यातील पाण्यावर चपला तरंगताना आढळल्या. त्यानंतर‎छत्रपती संभाजीनगर येथील अग्निशमन दलाच्या पथकाने शनिवारी‎मध्यरात्री मृतदेह बाहेर काढला. अजिंठा पोलिस ठाण्यात घटनेची नोंद‎करण्यात आली. या घटनेमुळे हळहळ व्यक्त होत आहे.‎ ‎उच्चशिक्षित असूनही शासकीय नोकरी मिळत‎‎नसल्याच्या नैराश्यातून २५ वर्षीय तरुणीने‎‎गळफास घेऊन जीवनयात्रा संपविली. ही घटना‎बदनापूर येथे घडली. राणी साहेबराव नाईकवाडे असे मृत तरुणीचे‎नाव आहे. राणी ही विज्ञान शाखेची पदवीधर होती. तिने काही स्पर्धा‎परीक्षा दिल्या होत्या. आरक्षण नसल्याने शासकीय नोकरी मिळत‎नाही. या विवंचनेत तिने राहत्या घरी गळफास घेऊन आत्महत्या‎केली, अशी माहिती मुलीचे नातेवाईक व सरपंच सोपान नाईकवाडे‎यांनी दिली आहे.‎ पदवीचे शिक्षण पूर्ण केल्यानंतर तिने पुणे येथे एका खासगी कंपनीत‎जॉब मिळविला होता. दरम्यान, राणी ही काही दिवसांपूर्वी पुणे येथून‎बदनापूरला आई-वडिलांकडे आली होती. यातच तिने हे टोकाचे‎पाऊल उचलल्यामुळे हळहळ व्यक्त होत आहे. मृत तरूणीच्या‎पश्चात आई, वडील आणि भाऊ असा परिवार आहे.‎ ‎मराठा समाजाला आरक्षण मिळावे यासाठी बीड‎‎तालुक्यातील जिरेवाडी येथे तरुणाने गळफास घेत‎‎आत्महत्या केल्याची घटना ३१ जानेवारी रोजी‎घडली. याप्रकरणी बीड ग्रामीण पोलिस ठाण्यात आकस्मात मृत्यूची‎नोंद करण्यात आली.‎