महापालिकेच्या सौरऊर्जा प्रकल्पात होणार 2000 किलोवॅट वीजनिर्मिती

3 hours ago 2

महापालिकेच्या विविध प्रकल्पांच्या वीज बिलाच्या खर्चात बचत व्हावी, या उद्देशाने शहरात चार ठिकाणी सौर ऊर्जा प्रकल्प उभारण्यात आले आहेत. या प्रकल्पातून निर्मिती होणारी वीज तेथील प्रकल्पातच वापरली जाणार आहे. या माध्यमातून सुमारे ४.२० कोटी रुपयांची बचत होणार आहे. लवकरच हे प्रकल्प कार्यान्वित होणार असल्याची माहिती आयुक्त तथा प्रशासक यशवंत डांगे यांनी दिली. राज्य शासनाचे १० कोटी व महापालिकेचे २.७० कोटी अशा १२.७० कोटींच्या निधीतून नालेगाव अमरधाम येथे २५० किलोवॅट, सावेडी कचरा डेपोच्या जागेत ३०० किलोवॅट, बुरुडगाव कचरा डेपो ५०० किलोवॅट, मलनिस्सारण प्रकल्प येथे ९५० किलोवॅट क्षमतेचा वीजनिर्मिती प्रकल्प उभारण्यात आले आहे. यात निर्मिती होणाऱ्या वीजेचे वार्षिक ३० लक्ष युनिट संबंधित जागेतील प्रकल्पात खर्च होणार आहेत. त्यातून ४.२० कोटी रुपयांची वीज बिल बचत होणार आहे. सोलर पॅनल सिस्टीम उभारण्यात आली आहे. लवकरच ट्रान्सफॉर्मर बसवले जाणार आहेत. त्यानंतर हे चारही प्रकल्प कार्यान्वित होणार आहेत. मनपाने यापूर्वी अमृत अभियानांतर्गत आठ ठिकाणी सोलर पॅनल सिस्टीम उभारली आहे. त्याद्वारे १६५० किलोवॅट वीज निर्मिती केली जात आहे, असेही आयुक्त डांगे यांनी सांगितले.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article