महाराष्ट्राचा चिखल करणाऱ्यांना थारा देऊ नका: राज ठाकरे

कल्याण; पुढारी वृत्तसेवा : महाराष्ट्राचा चिखल करणाऱ्यांना या निवडणुकीत स्थान देऊ नका. तर मागील पाच वर्षात महाराष्ट्रात जो तमाशा झाला आहे. त्या चिखलातून महाराष्ट्र बाहेर काढायचा आहे. म्हणूनच आपसातील मतभेद गाडून टाका आणि एक व्हा, मतभेदापेक्षा महाराष्ट्र मोठा आहे. तो आपल्याला ठीकठाक करायचा आहे, असे प्रतिपादन मनसे अध्यक्ष राज ठाकरे यांनी कल्याणातील सभेत केले.

मनसेचे उमेदवार उल्हास भोईर यांच्या जाहीर सभेसाठी राज ठाकरे कल्याणात आले होते. यावेळी बोलताना राज ठाकरे यांनी मतदारांनी गाफील न राहता सजगतेने मतदान करण्याचे आवाहन मतदारांना केले. मतदारांनी मनसेला प्रचंड मतांनी मतदान करा. आपल्या उमेदवाराच्या विजयी मिरवणुकीत मी सहभागी होणार असल्याचे आश्वासन मनसे अध्यक्ष राज ठाकरे यांनी यावेळी दिले.