महाराष्ट्रात महायुतीची सत्ता:आज मुख्यमंत्र्यांच्या नावाची घोषणा होण्याची शक्यता; काँग्रेस प्रदेशाध्यक्ष नाना पटोलेंना काँग्रेसचे तूर्त अभय

महाराष्ट्र विधानसभा निवडणुकीच्या निकालानंतर 26 नोव्हेंबरपर्यंत राज्यात महायुतीचे सरकार स्थापन होईल. याचे महत्त्वाचे कारण म्हणजे, याच दिवशी विद्यमान विधानसभेचा कार्यकाळ संपणार आहे. या मुदतीत सरकार सरकार स्थापन झाले नाही, तर महाराष्ट्रात राष्ट्रपती राजवट लागू करावी लागेल असा दावा केला जात आहे. महायुती सोमवारी मुख्यमंत्र्यांच्या नावाची घोषणा करू शकते. दिव्य मराठीच्या सूत्रांनी दिलेल्या माहितीनुसार, महायुतीमध्ये 1 मुख्यमंत्री आणि 2 उपमुख्यमंत्र्यांचा फॉर्म्युला ठरला आहे. महायुतीमध्ये प्रत्येक 6-7 आमदारांमागे एक मंत्रीपदाचा फॉर्म्युलाही निश्चित झाला आहे. त्यानुसार भाजपचे 22-24, शिंदे गटाचे 10-12 आणि अजित गटाचे 8-10 आमदार मंत्री होऊ शकतात. सूत्रांनी दिलेल्या माहितीनुसार, काँग्रेस प्रदेशाध्यक्ष नाना पटोले यांनी राजीनामा देण्याची तयारी दर्शवली आहे. मात्र, पक्षाने त्यांना सध्या या पदावर कायम राहण्यास सांगितले आहे. विधानसभा निवडणुकीत नाना पटोले यांनी काँग्रेसमध्ये तिकीट वाटप केले होते. त्यांच्या नेतृत्वाखाली काँग्रेसने अवघ्या 16 जागा जिंकल्या. गेल्या निवडणुकीत काँग्रेसची मतांची टक्केवारी 16.1% होती, ती आता 12.42% वर आली आहे. 20 नोव्हेंबर रोजी महाराष्ट्र विधानसभेच्या 288 जागांसाठी मतदान झाले होते. 2019 च्या तुलनेत यावेळी 4% जास्त मतदान झाले. 2019 मध्ये 61.4% मतदान झाले. यावेळी 65.11% मतदान झाले. खाली पाहा महाराष्ट्रातील घडामोडींचे अपडेट्स...