महिला PSI ला घेताना रंगेहाथ पकडले:नागपुरातील घटना; चोरीच्या गुन्ह्यात आरोपी न करण्यासाठी 30 हजारांची लाच घेताना ACB ची कारवाई

2 hours ago 3

नागपूर ग्रामीणमधील एमआयडीसी बुट्टीबोरी पोलिस ठाण्यात गुन्हे प्रगटीकरण पथकप्रमुख म्हणून कार्यरत असलेल्या महिला पोलिस उपनिरीक्षक ज्योत्स्ना प्रभू गिरी (34) यांना लाच स्वीकारताना एसीबीने रंगेहात पकडले आहे. चोरीच्या गुन्ह्यातील तक्रारदाराला आरोपी न करण्यासाठी आणि त्याचा जप्त केलेला मोबाईल परत करण्यासाठी त्यांनी एक लाख रुपयांची मागणी केली होती. तक्रारदाराने एसीबीकडे याबाबत तक्रार केली. तक्रारीची पडताळणी केल्यानंतर एसीबीने सापळा रचला. आरोपी पोलीस उपनिरीक्षक गिरी यांनी तडजोडीअंती ३० हजार रुपयांची लाच स्वीकारण्यास तयारी दर्शवली. पोलीस ठाण्यातील गुन्हे प्रगटीकरण कक्षात पंचांसमक्ष लाचेची रक्कम स्वीकारताना त्यांना पकडण्यात आले. विशेष म्हणजे याआधी दोन दिवसांपूर्वीच कोराडी पोलीस ठाण्यात सहाय्यक पोलीस निरीक्षक प्रेमानंद दादाराव कात्रे (४३) यांनाही दोन लाख रुपयांची लाच स्वीकारताना एसीबीने अटक केली होती. तक्रारदारावर कारवाई न करता प्रकरणाचे सेटलमेंट करून देण्यासाठी त्यांनी ही लाच मागितली होती. सलग दोन दिवसांत पोलीस अधिकाऱ्यांवर झालेल्या या कारवाईमुळे पोलीस विभागात खळबळ उडाली आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article