माजी उपमहापौरांनी जुने झाड तोडले:मनपाने परवानगी देण्यास विलंब केल्याचा निखिलेश दिवेकर यांचा दावा

जठारपेठ भागातील प्रसाद कॉलनीजवळ राहणारे माजी उपमहापौर निखिलेश दिवेकर यांनी घरासमोरील एक ५० वर्षे जुने गुलमोहरचे झाड गुरुवारी दुपारी तोडले. महापालिकेकडे झाड तोडण्याची परवानगीही मागितली होती. मात्र, प्रतीक्षा केल्यानंतरही परवानगी मिळाली नाही. झाड आतून पोकळ झाल्यामुळे धोकादायक बनले होते. अपघात घडण्याची शक्यता लक्षात घेता, आपण हे झाड तोडल्याचे दिवेकर यांनी सांगितले. माजी उपमहापौर निखिलेश दिवेकर यांच्या घरासमोर एक गुलमोहराचे झाड होते. हे जुने झाड आतून पोकळ झाले होते. परिसरात शाळा असल्याने, शेकडो विद्यार्थी व पालक झाडाखाली थांबायचे. त्यामुळे झाड कोसळून अपघाताची भीती होती. त्यासाठी दिवेकर यांनी महापालिकेच्या पूर्व झोन कार्यालयात अर्ज केला होता, असा दावा केला. ^झाड तोडण्यासाठी दिवेकर यांनी एक महिन्यापूर्वी अर्ज केला होता. परंतु परवानगी देण्यात आली नव्हती. त्यांनी विनापरवानगी झाड तोडले असेल तर महापालिकेकडून कारवाई करण्यात येईल. - विजय पारतवार, सहाय्यक आयुक्त, पूर्व झोन, मनपा. झाड तोडण्यासाठी अर्ज प्राप्त मात्र परवानगी नाही