राष्ट्रीय एकात्मतेतून देशाचा सर्वांगीण विकास घडवूया:पीएलजीच्या अधिकारी ढवळे यांचे प्रतिपादन

आपला तिरंगा ध्वज राष्ट्रगीत आणि संविधान हा आपल्या देशाच्या लोकशाहीच्या पाया आहे. देशात एकात्मता, धर्मनिरपेक्षता आणि विकाचे ध्येय आपण उरात बाळगून देशाला अधिक संपन्न बनवण्याचा आपण आजच्या पवित्र दिनी संकल्प करूया, असे उद्गार पीएलजीच्या अधिकारी रितूताई ढवळे यांनी काढले. शेळवे येथील यशोदा प्रतिष्ठानच्या सनराईज पब्लिक स्कूल आणि कनिष्ठ महाविद्यालयात प्रजासत्ताक दिनानिमित्त ढवळे यांच्या हस्ते ध्वजवंदन करण्यात आले. यावेळी संस्थेचे संस्थापक अध्यक्ष एस. टी. गाजरे, उपाध्यक्ष अजित लोकरे, सचिव अंकुश गाजरे, यशोदा संस्थेतील विद्यार्थी पालक, ग्रामस्थ मोठ्या संख्येने यावेळी उपस्थित होते. विविध क्षेत्रामध्ये संधी जगात फक्त वैद्यकीय किंवा अभियांत्रिकी क्षेत्रातच करिअर आहे असे नाही. तर विविध क्षेत्रामध्ये संधी आहेत. त्या संधी शोधून व आपली आवड जपून काम केले, तर जीवनात आपण निश्चित यशस्वी होवू पण त्यासाठी शिक्षणाला अनन्य साधारण महत्व आहे, असे रितू ढवळे यांनी उपस्थित विद्यार्थ्यांना मार्गदर्शन करताना सांगितल्या.