लग्नाशिवाय आई होण्याची अभिनेत्रीची इच्छा, काय आहे तिचा विचार? वाचा…

टीना दत्ताने तिच्या करिअरची सुरुवात बालकलाकार म्हणून केली. कलर्स टीवीवरील ‘उतरन’ मालिकेतील इच्छा ची भूमिका करणारी टीना दत्ता बिग बॉसमुळे लोकांपर्यंत पोहोचली. टीनाने दिलेल्या एका मुलाखतीत भविष्यातील नियोजनाबद्दल सांगितले आहे. टीनाला सरोगसी किंवा बाळ दत्तक घेऊन आई होण्याची इच्छा आहे. सध्या टीना दत्ता अविवाहित आहे.

भविष्यातील नियोजनाबद्दल बोलताना, टीना म्हणाली की तिला लग्नाशिवाय आई होण्यास काहीच हरकत नाही आणि सध्या ती अशा व्यक्तीचा विचार करत आहे ज्याच्यासोबत ती लग्न न करताही आई होऊ शकते. मात्र, टीनाला लग्न करण्याची घाई नाही, असेही ती म्हणाली. भविष्यात दत्तक किंवा सरोगसीद्वारे आई होण्याचा विचार करू शकते. तसेच मी कधीही एकटी आई होण्याचा विचारही केला नव्हता. पण मूल दत्तक घेणे असो किंवा सरोगसीद्वारे आई होणे असो, मी हा पर्याय स्वतःसाठी खुला ठेवला आहे, असे तिने सांगितले.

तसेच टीना सुष्मिता सेन सारख्या अभिनेत्रींची खूप मोठी चाहती आहे. सुष्मिताने ज्या पद्धतीने दोन मुली दत्तक घेतल्या आहेत. तसचं टीनाला विश्वास आहे की ती तिच्या आयुष्याबाबत जो काही निर्णय घेईल, तिचे पालक तिला पाठिंबा देतील. माझे आई-वडील कोलकात्यातील एका छोट्या शहरातील आहेत. आम्ही एका बंगाली कुटुंबातील आहोत. एका छोट्या शहरात राहूनही आमची विचारसरणी खूप प्रगतीशील आहे आणि म्हणूनच जर मी भविष्यात सरोगसीद्वारे आई झाली किंवा मूल दत्तक घेतले तर मला खात्री आहे की माझे पालक माझ्या मताचा आदर करतील आणि तुम्हीही मला पूर्णपणे पाठिंबा द्याल. स्वतःची आणि आपल्या कुटुंबाची एकटी काळजी घेऊ शकते, तर मुलांचीही एकटी काळजी घेऊ शकते. स्वतःची आणि मुलांची काळजी घेण्यासाठी पतीची गरज नाही. एकटीच ही जबाबदारी पार पाडण्यासाठी समर्थ आहे, असे टीना दत्ताने म्हटले.