लासलगाव उपविभागातील वीज वितरण कर्मचाऱ्यांनी घेतली सुरक्षिततेची शपथ

लासलगाव उपविभ गातील वीज वितरण अधिकारी व कर्मचारी यांची विंचूर येथे नेत्रतपासणी करण्यात आली. तसेच सुरक्षाविषयक कार्यशाळेत मार्गदर्शन करण्यात आले. यामध्ये ६० कर्मचाऱ्यांनी सहभाग नोंदवला. वीज वितरण कंपनीचे मुख्य अभियंता ज्ञानेश्वर पडळकर व कार्यकारी अभियंता काळू माळी यांच्या मार्गदर्शनानुसार रामोळे आय हॉस्पिटल यांच्यातर्फे लासलगाव उपविभ गातील सर्व अधिकारी कर्मचारी, जनमित्र, बाह्य स्त्रोत कर्मचारी, यंत्रचालक यांची तज्ज्ञ डॉक्टरांकडून तपासणी करण्यात आली. मार्च महिना येत असल्याने थकबाकी वसुली, डिजिटल पेमेंट योजना, कायमस्वरूपी वीज खंडित असलेल्या ग्राहकांसाठी अभय योजना, मागेल त्याला सौर कृषिपंप योजना अशा विविध विषयावर उपकार्यकारी अभियंता राकेश फिरके, लासलगाव उपविभागाचे उपकार्यकारी अभियंता ज्ञानेश बागूल यांनी उपस्थित जनमित्र व कर्मचारी यांना मार्गदर्शन केले. यावेळी वीज वितरणच्या कर्मचाऱ्यांनी सुरक्षिततेची शपथ घेतली. वीज वितरणमार्फत देण्यात येणाऱ्या सुविधा आणि योजनांची माहिती ग्राहकांपर्यंत कशा पोहोचतील याची माहिती कर्मचाऱ्यांना देण्यात आली.