‘व्होट जिहाद’च्या आरोळ्या मारणाऱ्या भाजपचं खरं रुप समोर; 44 लाख मुस्लिमांनी केली सदस्य नोंदणी

भाजपची सदस्यता मोहीम सुरू आहे. या मोहिमेला मुस्लिम समुदायाकडूनही प्रतिसाद मिळत आहे. महाराष्ट्रात जवळपास एक लाख मुस्लिम नागरिकांनी सदस्य नोंदणी केली. तर देशभरात 44 लाख मुस्लिम भाजपचे सदस्य झाले आहेत. महाराष्ट्रात एकूण एक कोटी नागरीक भाजपमध्ये सहभागी झाले. यापैकी एक लाख मुस्लिम नागरीक आहेत. शुक्रवारी 31 जानेवारी रोजी या सदस्य नोंदणीचा शेवटचा दिवस आहे. भाजपचे 10 कोटी सदस्य नोंदणीचे लक्ष्य आहे.

भाजपच्या सदस्य नोंदणीबाबत अखिल भारतीय भाजप अल्पसंख्याक सेलचे प्रमुख जमाल सिद्दीक यांनी प्रतिक्रिया दिली आहे. अल्पसंख्याक समुदायाकडून मिळालेला प्रतिसाद खूपच समाधानकारक होता, हे आकडेवारीच सांगत आहे. उत्तर प्रदेशात सहा लाखांहून अधिक मुस्लिमांनी नोंदणी केली, तर मध्य प्रदेशात 3 लाख आणि महाराष्ट्रात एक लाख मुस्लिमांनी नोंदणी केल्याचे सिद्दीक यांनी सांगितले.

पंतप्रधान नरेंद्र मोदी यांनी विकसित भारत आणि विकासात्मक अजेंडाचा सक्रियपणे भाग बनू इच्छिणाऱ्या अल्पसंख्याकांना आवाहन केले होते. कल्याणकारी योजना त्यांच्या जीवनात फायदेशीर ठरत असल्याचे मुस्लिमांना समजू लागले आहे. यामुळे भाजपपासून दूर असलेला मुस्लिम समाज आता पक्षाच्या जवळ येत असल्याचे सांगितले जात आहे., असेही सिद्दीक पुढे म्हणाले.