शिवसेनेच्या 70 जागा जिंकून येतील:मुख्यमंत्री एकनाथ शिंदे पुन्हा मुख्यमंत्रिपदाची शपथ घेतील- शहाजीबापू पाटील

विधानसभा निवडणुकीमध्ये शिवसेनेच्या 70 जागा निवडून येतील. एकनाथ शिंदे हेच पुन्हा मुख्यमंत्रिपदाची शपथ घेतील असे म्हणत सांगोल्यातून माझा विजय निश्चित असल्याचा दावा शिवसेना आमदार शहाजीबापू पाटील यांनी केला आहे. शहाजीबापू पाटील पुढे बोलताना म्हणाले की, सांगोल्याच्या मतदारांनी मला कधीच विजयी केले आहे. मतदारसंघात चित्र गेल्या महिनाभरापासूनच दिसत आहे. 2 वर्षांत मी जे विकासपर्व सुरू केले आहे, त्यामुळे जनतेने माझी पाठ थोपटली असून मतदारसंघातील जनतेचा मला पाठिंबा आहे. उद्धव ठाकरेंना मुख्यमंत्रिपद मिळणार नाही शहाजीबापू पाटील म्हणाले की, उद्धव ठाकरे मुख्यमंत्री होतील हे संजय राऊत यांचे दिवा स्वप्न आहे. यापुढे असे काही घडणार नाही. एकनाथ शिंदे यांना पुन्हा एकदा मुख्यमंत्रीपद मिळेल. त्यांच्यासह अजित पवार आणि देवेंद्र फडणवीस मिळून 5 वर्षे सरकार चालवतील असा विश्वास त्यांनी व्यक्त केला आहे. आमच्या 170 ते 175 जागा आलेल्या आहेत. मविआची नाजूक परिस्थिती आहे, हे त्यांच्या नेत्यांच्या लक्षात आले आहे. राऊतांनी अडवून दाखवावे संजय राऊत यांनी शहाजीबापू पाटील यांना विधानसभेतच काय तर मुंबईतही पाय ठेवू देणार नाही, असे सांगोल्यात म्हटले होते. यावर बोलताना शहाजीबापू पाटील म्हणाले की, 23 तारखेला गुलाल माझाच आहे. विधानसभेतच काय तर मुंबईतही पाय ठेवू देणार नाही, असं संजय राऊत सांगोला येथे बोलले होते. त्यावर पाय ठेवायचे काय, मतदान सोडून आता सुद्धा येऊन दाखवतो. कुठे आडवायचे तिथे अडवून दाखव. माझ्या नादाला लागायचे नाही. काय बोलायचे आहे, ते संसदीय भाषेत बोलायचे. संजय राऊतांना एवढेच सांगतो की माझे मत घेऊन तुम्ही दिल्लीत गेला आहात. पण सांगोलातील मतदारांच्या जीवावर मी मुंबईत येणार आहे